കേരള ബാങ്കിലെ റിട്ടയർമെന്റ് ആനുകൂല്യങ്ങൾ എത്ര? വൈദേകത്തിലെ നിക്ഷേപത്തിൽ വ്യക്തത ആവശ്യപ്പെട്ട് ശ്യാംജിത്ത്

OCTOBER 25, 2026, 8:57 AM

സി.പി.എം. കേന്ദ്രകമ്മിറ്റി അംഗം ഇ.പി. ജയരാജന്റെ ഭാര്യ പി.കെ. ഇന്ദിരക്കെതിരെ വൈദേകം റിസോർട്ട് വിഷയത്തിൽ ജയരാജന്റെ സഹോദരിയുടെ മകൻ ഇ.പി. ശ്യാംജിത്ത് വീണ്ടും കുറിപ്പുമായി രംഗത്ത്. ഫേസ്ബുക്കിലൂടെയാണ് ശ്യാംജിത്ത് പ്രതികരണം നടത്തിയത്.

കണ്ണൂർ ആയുർവേദ റിസോർട്ടിൽ ഇന്ദിര നടത്തിയ നിക്ഷേപം അവരുടെ വിരമിക്കൽ ആനുകൂല്യങ്ങൾ ഉപയോഗിച്ചാണോ എന്നതിലാണ് ശ്യാംജിത്തിന്റെ പ്രധാന സംശയം. കേരള ബാങ്കിൽ നിന്ന് വിരമിച്ച ഒരാൾക്ക് എത്ര തുക ആനുകൂല്യമായി ലഭിച്ചു എന്നതും ശ്യാംജിത്ത് ആരാഞ്ഞു. ഈ തുകയുടെ കൃത്യമായ കണക്കുകളും നിക്ഷേപത്തിന്റെ വിവരങ്ങളും പുറത്തുവരേണ്ടതുണ്ടെന്നും അദ്ദേഹം ആവശ്യപ്പെട്ടു.

ഇതുമായി ബന്ധപ്പെട്ട പല ഇടപാടുകളുടെയും രേഖകൾ ഇനിയും പുറത്തുവരാനുണ്ടെന്ന് ശ്യാംജിത്ത് തന്റെ ഫേസ്ബുക്ക് പോസ്റ്റിൽ സൂചിപ്പിച്ചു. സി.പി.എമ്മിനെതിരെ നിലപാടെടുത്ത തോമസിനെ കണ്ണൂർ ആയുർവേദ റിസോർട്ടിൽ പി.കെ. ഇന്ദിര നിയമിച്ചതാണോ എന്ന കാര്യത്തിലും വ്യക്തത വേണമെന്ന് മറ്റൊരു കുറിപ്പിലൂടെ അദ്ദേഹം കൂട്ടിച്ചേർത്തു.

പാർട്ടിക്കുള്ളിലെ പല കാര്യങ്ങളും പുറത്തറിയുന്നതിന് പിന്നിൽ പി.കെ. ഇന്ദിരയുടെ ബന്ധുവിന് പങ്കുണ്ടോ എന്നതും വഴിയേ വ്യക്തമാകുമായിരിക്കുമെന്നും ശ്യാംജിത്ത് പ്രസ്താവിച്ചു. രേഖകളും വിവരങ്ങളും പുറത്തുവരട്ടെ എന്നും, ആരെയും മുൻകൂട്ടി കുറ്റക്കാരനാക്കുന്നില്ലെന്നും അദ്ദേഹം പറഞ്ഞു. ചോദ്യങ്ങൾക്ക് വ്യക്തമായ മറുപടി വേണം. രേഖകൾ സംസാരിക്കട്ടെ. കാത്തിരിക്കൂ... ബാക്കി വഴിയേ അറിയാം’ എന്നാണ് കുറിപ്പ് അവസാനിക്കുന്നത്.

English Summary: EP Shyamjith has again questioned PK Indira, wife of senior CPM leader EP Jayarajan, regarding her investment in Vaidekam Resort. Shyamjith asks if Indira’s investment in Kannur Ayurveda Resort shares was made using her retirement benefits. He also seeks clarity on the amount of retirement benefits received by someone who retired from Kerala Bank. Shyamjith stated that many more documents and transaction details related to this matter are yet to be revealed. He also raised questions about PK Indira’s alleged appointment of Thomas at the resort, who had acted against the CPM.

Tags: Malayalam News, News Malayalam, Latest Malayalam News, Vachakam News, Kerala Politics, CPM Kerala, Vaidekam Resort, EP Jayarajan, PK Indira, EP Shyamjith