കുട്ടനാട്ടിൽ തോമസ് കെ തോമസ്, എലത്തൂരിൽ എ.കെ. ശശീന്ദ്രൻ; നിയമസഭാ തെരഞ്ഞെടുപ്പിൽ സ്ഥാനാർഥികളെ പ്രഖ്യാപിച്ച് എൻസിപി

JANUARY 8, 2026, 7:39 AM

കൊച്ചി: നിയമസഭാ തെരഞ്ഞെടുപ്പിൽ സ്ഥാനാർഥികളെ പ്രഖ്യാപിച്ച് എൻസിപി രംഗത്ത്. എലത്തൂരിൽ എ.കെ. ശശീന്ദ്രൻ വീണ്ടും മത്സരിക്കും എന്നാണ് ലഭിക്കുന്ന റിപ്പോർട്ട്. കുട്ടനാട്ടിൽ നിന്ന് തോമസ് കെ തോമസ് മത്സരിക്കും എന്നാണ് പുറത്തു വരുന്ന റിപ്പോർട്ട്.

അതേസമയം എലത്തൂർ സീറ്റ് സിപിഐഎം ഏറ്റെടുക്കുമെന്ന പ്രചാരണം തെറ്റാണെന്നും തോമസ് കെ. തോമസ് പറഞ്ഞു. സംസ്ഥാന നിർവാഹക സമിതി യോഗ ശേഷം സംസാരിക്കുകയായിരുന്നു അദ്ദേഹം.

എന്നാൽ മൂന്നാമത്തെ സീറ്റിൽ ആര് മത്സരിക്കണം എന്ന കാര്യത്തിൽ ചർച്ച തുടരുകയാണ്. തെരഞ്ഞെടുപ്പിൽ മത്സരിക്കണമെന്നത് പലരുടെയും ആഗ്രഹമാണ്. എന്നാൽ ഇതിനെല്ലാം തീരുമാനം എടുക്കേണ്ടത് പാർട്ടി നേതൃത്വമാണെന്ന് എ.കെ. ശശീന്ദ്രൻ വ്യക്തമാക്കി.