ശ്രീനാരായണ ധർമ സംഘം ട്രസ്റ്റ് ബോർഡ് തെരഞ്ഞെടുപ്പ്: സ്വാമി സച്ചിദാനന്ദയ്ക്ക് തോൽവി

OCTOBER 22, 2026, 10:21 AM

തിരുവനന്തപുരം: ശ്രീനാരായണ ധർമ സംഘം ട്രസ്റ്റ് ബോർഡിലേയ്ക്ക് നടന്ന തെരഞ്ഞെടുപ്പിൽ നിലവിലെ പ്രസിഡൻറ് സ്വാമി സച്ചിദാനന്ദയ്ക്ക് തോൽവി.

5 വർഷത്തേയ്ക്കാണ് പുതിയ ഭരണ സമിതിയെ തെരഞ്ഞെടുത്തത്. പുതിയ പ്രസിഡൻറ് ഉൾപ്പെടെ ഭാരവാഹികളെ ഭരണ സമിതി പിന്നീട് തെരഞ്ഞെടുക്കും. പ്രതികരിക്കാനില്ലെന്ന് സ്വാമി സച്ചിദാനന്ദ പറഞ്ഞു.

നിലവിലെ ഭരണ സമിതിയിൽ നിന്ന് വീണ്ടും മത്സരിച്ച ഒൻപതു പേരിൽ പ്രസിഡൻറ് ഉൾപ്പെട 3 പേർ തോറ്റു. ജനറൽ സെക്രട്ടറി സ്വാമി ശുഭാംഗാനന്ദ , സ്വാമി ശാരദാനന്ദ ഉൾപ്പെട ആറു പേർ വീണ്ടും തെരഞ്ഞെടുക്കപ്പെട്ടു. 5 സന്യാസിമാരാണ് ബോർഡിൽ പുതുതായി എത്തിയത്. ഇതിൽ സ്വാമി അംബികാനന്ദയ്ക്കാണ് ഏറ്റവും കൂടുതൽ വോട്ട്. 11 അംഗ ബോർഡിലേയ്ക്ക് 32 സന്ന്യാസിമാരാണ് മത്സരിച്ചത്.