തിരുവനന്തപുരം: സാംസ്കാരിക വകുപ്പിന് കീഴിലുള്ള വിവിധ അക്കാദമികളിലും സ്ഥാപനങ്ങളിലുമുള്ള സെക്രട്ടറി, മെമ്പർ സെക്രട്ടറി തസ്തികകൾ ഒഴിഞ്ഞുകിടക്കുന്നതിനാൽ ഭരണപരമായ പ്രവർത്തനങ്ങൾ തടസപ്പെടാതിരിക്കാൻ അടിയന്തര ഇടപെടലുമായി സർക്കാർ. ജീവനക്കാരുടെ ശമ്പള വിതരണം ഉൾപ്പെടെയുള്ള ദൈനംദിന കാര്യങ്ങൾ സുഗമമായി മുന്നോട്ടുകൊണ്ടുപോകുന്നതിനായി ഉദ്യോഗസ്ഥർക്ക് താത്കാലിക ചുമതല നൽകാൻ സാംസ്കാരിക വകുപ്പ് മന്ത്രി പി.സി. വിഷ്ണുനാഥ് നിർദേശം നൽകി എന്നാണ് ലഭിക്കുന്ന വിവരം.
കേരള സാഹിത്യ അക്കാദമി, കേരള സംഗീത നാടക അക്കാദമി, കേരള ലളിതകലാ അക്കാദമി, മോയിൻകുട്ടി വൈദ്യർ മാപ്പിള കലാ അക്കാദമി, സാംസ്കാരിക ക്ഷേമനിധി ബോർഡ് എന്നിവിടങ്ങളിലേക്കാണ് താത്കാലിക ചുമതലകൾ അനുവദിച്ചിരിക്കുന്നത്.
പ്രധാന ഭരണപദവികൾ ഒഴിഞ്ഞുകിടക്കുന്നതുമൂലം സ്ഥാപനങ്ങളുടെ പ്രവർത്തനങ്ങൾ തടസപ്പെടാതിരിക്കാനും ജീവനക്കാരുടെ ശമ്പള വിതരണം ഉൾപ്പെടെയുള്ള നടപടികൾ സമയബന്ധിതമായി നടത്താനുമാണ് ഈ ക്രമീകരണമെന്ന് മന്ത്രിയുടെ ഓഫീസ് അറിയിച്ചു.
സ്ഥിരം നിയമനങ്ങൾ നടക്കുന്നതുവരെ താത്കാലിക ചുമതല വഹിക്കുന്ന ഉദ്യോഗസ്ഥർ സ്ഥാപനങ്ങളുടെ ഭരണപരമായ കാര്യങ്ങൾ നിർവഹിക്കുമെന്നും സർക്കാർ വ്യക്തമാക്കി.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260605101647.jpg)
-20260605093430.jpg)
