രാഹുലിനെ വൈദ്യപരിശോധനക്കെത്തിച്ചു; ജനറൽ ആശുപത്രി വളപ്പിൽ വൻ പ്രതിഷേധവുമായി ഡിവൈഎഫ്ഐ, യുവമോർച്ച പ്രവർത്തകർ

JANUARY 11, 2026, 12:22 AM

പത്തനംതിട്ട: രാഹുൽ മാങ്കൂട്ടത്തിൽ എംഎൽഎയെ അറസ്റ്റ് ചെയ്ത് വൈദ്യപരിശോധനക്കായി പത്തനംതിട്ട ജനറൽ ആശുപത്രിയിൽ എത്തിച്ചതായി റിപ്പോർട്ട്. ഇതിന് പിന്നാലെ സ്ഥലത്ത് വൻ പ്രതിഷേധം. ഡിവൈഎഫ്ഐയും യുവമോർച്ചയും ആണ് പ്രതിഷേധം നടത്തുന്നത്.

മൂന്നാമത്തെ ബലാത്സംഗ പരാതിയിൽ രാഹുലിനെ അറസ്റ്റ് ചെയ്ത് വൈദ്യപരിശോധനക്കായി പത്തനംതിട്ട ജനറൽ ആശുപത്രിയിൽ എത്തിച്ചപ്പോഴാണ് പ്രവർത്തകർ മുദ്രാവാക്യം വിളികളുമായി പ്രതിഷേധിച്ചെത്തിയത്.

അതേസമയം ഇന്നലെ അർദ്ധരാത്രി പാലക്കാട് നിന്നും കസ്റ്റഡിയിലെടുത്ത രാഹുലിനെ പത്തനംതിട്ട എആർ ക്യാംപിലെത്തിച്ചാണ് അറസ്റ്റ് രേഖപ്പെടുത്തിയത്. ആറര മണിക്കൂർ ചോദ്യം ചെയ്തതിന് ശേഷമാണ് രാഹുലിനെ വൈദ്യപരിശോധനക്കായി ജനറൽ ആശുപത്രിയിൽ എത്തിച്ചത്.