കാന്താര ചിത്രീകരണത്തിനിടെ പക്ഷാഘാതം; കെജിഎഫ് താരം ദിനേശ് മംഗളൂരു അന്തരിച്ചു

AUGUST 25, 2025, 5:32 AM

കാന്താര സിനിമയുടെ ചിത്രീകരണത്തിനിടെ പക്ഷാഘാതം വന്ന് ചികിത്സയിലായിരുന്ന കന്നഡ താരവും ആർട് ഡയറക്റ്ററുമായ ദിനേശ് മംഗളൂരു ( 55 ) അന്തരിച്ചതായി റിപ്പോർട്ട്. കെജിഎഫ്, കിച്ച, കിരിക്ക് പാർട്ടി എന്നീ സിനിമകളിലെ ഇദ്ദേഹത്തിന്റെ വേഷങ്ങള്‍ ഏറെ ശ്രദ്ധിക്കപ്പെട്ടിരുന്നു.

അതേസമയം കെജിഎഫിലെ ബോംബെ ഡോണിന്റെ വേഷം അദ്ദേഹത്തിന് ഏറെ ആരാധകരെ ഉണ്ടാക്കി കൊടുത്തിരുന്നു. പക്ഷാഘാതത്തെ തുടർന്ന് ബംഗളൂരുവിൽ ചികിത്സ തുടരുന്നതിനിടെ ആണ് അന്ത്യം സംഭവിച്ചത്.

ആരോഗ്യം മെച്ചപ്പെട്ടുവെങ്കിലും കഴിഞ്ഞ ആഴ്ചയിൽ വീണ്ടും തലച്ചോറിൽ ഹെമറേജ് ഉണ്ടായതിനെ തുടർന്നാണ് മരണം സംഭവിച്ചതെന്നാണ് ലഭിക്കുന്ന വിവരം. തിങ്കളാഴ്ച രാവിലെ ഉഡുപ്പിയിലെ വീട്ടിൽ വെച്ചായിരുന്നു മരണം സ്ഥിരീകരിച്ചത്.