തിരുവനന്തപുരം: സ്കൂൾ ബാഗിന്റെ ഭാരവും കുറക്കാനുള്ള നടപടികളുമായി വിദ്യാഭ്യാസ വകുപ്പ്. സ്കൂൾ ബാഗുകളുടെ ഭാരം കുറയ്ക്കുന്നതിലൂടെ ആരോഗ്യമുള്ള ഒരു ഭാവി തലമുറയെ വാർത്തെടുക്കുകയാണ് വിദ്യാഭ്യാസ വകുപ്പിൻ്റെ ലക്ഷ്യം.

വലിപ്പമുള്ള ബാഗുകൾ ഒഴിവാക്കണമെന്നത് മുതൽ ടൈം ടേബിൾ പുനഃക്രമീകരണം വരെയുള്ള ശുപാർശകളാണ് എസ്‌സിഇആർടി തയ്യാറാക്കിയ കരട് റിപ്പോർട്ടിലുള്ളത്. എസ്‌സിഇആർടി തയ്യാറാക്കിയ കരട് റിപ്പോർട്ട് പ്രകാരം വിദ്യാർഥികളുടെ സ്കൂൾ ബാഗിന്റെ ഭാരം ശരീരഭാരത്തിൻ്റെ 10 ശതമാനത്തിൽ കൂടുതലാകാൻ പാടില്ല. 

15 ശതമാനത്തിന് മുകളിൽ ഭാരം എത്തുന്നത് അപകടകരമാണെന്നാണ് കണ്ടെത്തൽ. സർവ്വേ നടത്തിയ വിദ്യാർഥികളിൽ 27.12 ശതമാനം, ഭാരക്കൂടുതൽ മൂലം സ്കൂളിൽ പോകാൻ മടുപ്പ് തോന്നാറുണ്ട് എന്ന് വ്യക്തമാക്കി.

1. വലിപ്പം കൂടിയ ബാഗുകൾ പൂർണമായും ഒഴിവാക്കുക.
2. മൃദുവായ സാമഗ്രികൾ കൊണ്ട് നിർമിച്ച ചെറിയ ബാഗുകൾ ശീലമാക്കണം.
3. സ്കൂൾ ബാഗുകളിൽ ചെസ്റ്റ് സ്ട്രാപ്പ്, അരപ്പട്ട, പാഡിങ് തുടങ്ങിയവ നിർബന്ധമായും ഉറപ്പുവരുത്തണം.
4. അനിവാര്യമായ വസ്തുക്കൾ മാത്രമേ ബാഗിനുള്ളിൽ ഉൾപ്പെടുത്താൻ പാടുള്ളൂ.
5. എല്ലാ സ്കൂളുകളിലും ഓരോ മാസവും ഒരു പ്രത്യേക ദിവസം ബാഗിന്റെ ഭാരം നിർബന്ധമായും അളക്കണം.
6. ഇതിനായി ഓരോ ക്ലാസിലും ബാഗ് വെയിറ്റ് രജിസ്റ്റർ സൂക്ഷിക്കണം.
7. മാസത്തിൽ ചില ദിവസങ്ങൾ ബാഗില്ലാ ദിവസങ്ങളായി പ്രഖ്യാപിക്കണമെന്നും എസ്‌സിഇആർടി ആവശ്യപ്പെടുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്