ഒരാൾ മുഖ്യമന്ത്രിക്കെതിരെ നിരന്തരം ആരോപണം ഉന്നയിക്കുന്നുണ്ടെങ്കിൽ അതിനു പിന്നിൽ ആരോ ഉണ്ടെന്ന് കെ മുരളീധരൻ

OCTOBER 19, 2026, 1:37 AM

തിരുവനന്തപുരം: ഒരാൾ മുഖ്യമന്ത്രിക്കെതിരെ നിരന്തരം ആരോപണം ഉന്നയിക്കുന്നുണ്ടെങ്കിൽ അതിനു പിന്നിൽ ആരോ ഉണ്ടെന്ന് ആരോഗ്യമന്ത്രി കെ മുരളീധരൻ. അടൂർ പ്രകാശിനെതിരെയായിരുന്നു മുരളീധരന്റെ ഒളിയമ്പ്,

അതാരാണെന്ന് താൻ പറയുന്നില്ലെന്നും മുരളീധരൻ കൂട്ടിച്ചേർത്തു. ആണുങ്ങളുടെ സർക്കാർ എന്ന പരാമ‍ർശത്തിൽ കെ സുധാകരനെയും മുരളീധരകൻ പരിഹസിച്ചു. വന്ന് ടെസ്റ്റ് ചെയ്തു നോക്കണമെങ്കിൽ നോക്കാം എന്നായിരുന്നു സുധാകരെതിരായ മുരളീധരൻ്റെ പരിഹാസം.

പിണറായി വിജയനെതിരായ സിഎംആർഎൽ കേസിൽ സർക്കാർ എടുത്ത നിലപാട് നൂറ് ശതമാനം ശരിയാണെന്നും കെ മുരളീധരൻ ന്യായീകരിച്ചു. ഇ ഡി വിഷയത്തിൽ ദേശീയതലത്തിൽ കോൺഗ്രസിന് വ്യക്തമായ നിലപാടുണ്ടെന്നും കെ മുരളീധരൻ വ്യക്തമാക്കി. ഇ ഡി എന്തെങ്കിലും കേസ് കൊണ്ടുവന്നാൽ ഉടനെ കയറി ചാർജ് ചെയ്യാൻ കഴിയില്ല. ഡൽഹിയിൽ ഒരു നിയമം കേരളത്തിൽ വേറൊന്ന് എന്നല്ലെന്നും അദ്ദേഹം പറഞ്ഞു.

പ്രാഥമിക അന്വേഷണം നടത്താതെ കേസ് രജിസ്റ്റർ ചെയ്യേണ്ട എന്ന് ഞങ്ങൾ എല്ലാവരും കൂടിയാണ് തീരുമാനിച്ചത്. ഹൈക്കോടതി രജിസ്റ്റർ ചെയ്യാൻ പറഞ്ഞു ഞങ്ങൾ രജിസ്റ്റർ ചെയ്തു. സോണിയ ഗാന്ധിയും രാഹുൽഗാന്ധിയും മല്ലികാർജുൻ ഖാർഗെയും ആണ് പാർട്ടിയെ നയിക്കുന്നത്. ഇ ഡി പറയുമ്പോഴേക്കും എടുത്ത് ചാടേണ്ടെന്ന് അവർ തന്നെ പറഞ്ഞിട്ടുണ്ട് അവർ തന്നെ പറഞ്ഞിട്ടുണ്ടെന്നും കെ മുരളീധരൻ ചൂണ്ടിക്കാണിച്ചു.