കൊച്ചി: കൃഷി മന്ത്രിക്കൊപ്പമുള്ള വാർത്താസമ്മേളനത്തിൽ കൃഷി വകുപ്പ് ഡയറക്ടർ ശ്രീറാം വെങ്കിട്ടരാമൻ പങ്കെടുത്തതിനെതിരെ മാധ്യമപ്രവർത്തകർ പ്രതിഷേധിച്ചതിനെ വിമർശിച്ച് ഹിന്ദു ഐക്യവേദി പ്രസിഡന്റ് ആർ വി ബാബു രംഗത്ത്.
സോഷ്യൽ മീഡിയയിൽ പങ്കുവച്ച കുറിപ്പിലാണ് ആർ വി ബാബു പ്രതിഷേധത്തിനെതിരെ പ്രതികരിച്ചത്. ശ്രീറാമിനെതിരായ നീക്കങ്ങൾക്ക് പിന്നിൽ തീവ്രവാദ അജണ്ടയാണെന്ന ആരോപണവും അദ്ദേഹം ഉന്നയിച്ചു.
മാധ്യമപ്രവർത്തകരുടെ നടപടി ജനാധിപത്യ വിരുദ്ധവും ധിക്കാരപരവുമാണെന്ന് ആർ വി ബാബു അഭിപ്രായപ്പെട്ടു. ഒരു അപകടമരണത്തിന്റെ പേരിൽ ഒരു ഉദ്യോഗസ്ഥനെ തുടർച്ചയായി ലക്ഷ്യമിടുന്നത് അംഗീകരിക്കാനാകില്ലെന്നും അദ്ദേഹം പറഞ്ഞു.
അതേസമയം, 2019-ൽ മാധ്യമപ്രവർത്തകൻ കെ.എം. ബഷീർ മരിച്ച വാഹനാപകടവുമായി ബന്ധപ്പെട്ട വിവാദങ്ങളുടെ പശ്ചാത്തലത്തിലാണ് ശ്രീറാം വെങ്കിട്ടരാമനെതിരെ മാധ്യമപ്രവർത്തകരുടെ പ്രതിഷേധം ഉയർന്നത്. സംഭവവുമായി ബന്ധപ്പെട്ട കേസ് ഇപ്പോഴും നിയമനടപടികളുടെ ഭാഗമായി തുടരുകയാണ്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
