പശ്ചിമേഷ്യൻ യുദ്ധം ഏഴാം മാസത്തിലേക്ക് കടക്കുമ്പോൾ യെമനിലെ ഹൂതി വിമതർ നടത്തിയ അപ്രതീക്ഷിത മിന്നലാക്രമണം അമേരിക്കയെയും സഖ്യരാജ്യങ്ങളെയും വൻ നയതന്ത്ര പ്രതിസന്ധിയിലാക്കിയിരിക്കുകയാണ്.

യെമൻ തീരത്തുകൂടി അതിവേഗം മുന്നേറിയ ഹൂതി സൈന്യം തന്ത്രപ്രധാനമായ പെരിം ദ്വീപും ചെങ്കടലിലെ പ്രധാന തുറമുഖങ്ങളും പിടിച്ചെടുത്തതോടെ ബാബ് എൽ-മന്ദബ് കടലിടുക്കിന്റെ പൂർണ്ണ നിയന്ത്രണം ഇറാന്റെ പിന്തുണയുള്ള ഈ സായുധ സംഘത്തിന്റെ കൈകളിലായി.

ഇതോടെ ലോകത്തിലെ ഏറ്റവും പ്രധാനപ്പെട്ട രണ്ട് എണ്ണ ഗതാഗത പാതകളുടെയും നിയന്ത്രണം ഇറാന്റെയും ഹൂതികളുടെയും കൈകളിലായ അവസ്ഥയാണ് നിലവിലുള്ളത്.

ഹോർമുസ് കടലിടുക്ക് അടഞ്ഞതിനെ തുടർന്ന് ചെങ്കടൽ പാത വഴി എണ്ണ വിതരണം തുടരാമെന്ന സൗദി അറേബ്യയുടെയും അമേരിക്കയുടെയും കണക്കുകൂട്ടലുകൾക്കാണ് ഈ നീക്കത്തിലൂടെ കനത്ത തിരിച്ചടിയേറ്റിരിക്കുന്നത്.

പെരിം ദ്വീപ് ഹൂതികൾ പിടിച്ചെടുത്തതോടെ ആഗോള തലത്തിലെ എണ്ണ വിതരണത്തിന്റെ വലിയൊരു ഭാഗവും വാണിജ്യ കപ്പൽ ഗതാഗതവും പൂർണ്ണമായി തടസ്സപ്പെടാനുള്ള സാധ്യതയേറി.

അമേരിക്കൻ പ്രസിഡന്റ് ഡൊണാൾഡ് ട്രംപിനെ സംബന്ധിച്ചിടത്തോളം ഈ പുതിയ അന്താരാഷ്ട്ര പ്രതിസന്ധി വൻ സാമ്പത്തിക ഭീഷണിയാണ് ഉയർത്തുന്നത്.

ഇറാനെ സാമ്പത്തിക ഉപരോധങ്ങളിലൂടെ തളയ്ക്കുകയും അതേസമയം അമേരിക്കൻ സമ്പദ്‌വ്യവസ്ഥയെ ബാധിക്കാത്ത രീതിയിൽ സൈനിക നീക്കങ്ങൾ പരിമിതപ്പെടുത്തുകയും ചെയ്യുക എന്നതായിരുന്നു ട്രംപിന്റെ നയം.

എന്നാൽ ഹൂതികളുടെ പുതിയ അധിനിവേശത്തോടെ ട്രംപിന്റെ ഈ സാമ്പത്തിക പ്രതിരോധ തന്ത്രങ്ങൾ തകർന്നടിയുകയായിരുന്നു.

പ്രതിസന്ധി രൂക്ഷമായതോടെ സൗദി കിരീടാവകാശി മുഹമ്മദ് ബിൻ സൽമാൻ അമേരിക്കൻ പ്രസിഡന്റ് ഡൊണാൾഡ് ട്രംപുമായി ഫോണിൽ അടിയന്തര ചർച്ച നടത്തി.

ഹൂതികൾക്കെതിരെ പോരാടാൻ സൗദി അറേബ്യ നേരിട്ടുള്ള അമേരിക്കൻ സൈനിക സഹായം ആവശ്യപ്പെട്ടെങ്കിലും തൽക്കാലം ഇന്റലിജൻസ് വിവരങ്ങൾ മാത്രം നൽകാമെന്നാണ് ട്രം ഭരണകൂടം അറിയിച്ചത്.

അതേസമയം തങ്ങളുമായി നേരിട്ട് ഏറ്റുമുട്ടലിന് വരരുതെന്ന് ഹൂതി വിമതരും അമേരിക്കൻ ഭരണകൂടത്തിന് മുന്നറിയിപ്പ് നൽകിയിട്ടുണ്ട്.

ഹൂതികൾക്കെതിരെ സൈനിക നടപടിക്ക് തുനിഞ്ഞാൽ അത് യുഎസ് സൈന്യത്തിന് കനത്ത സാമ്പത്തിക ആഘാതവും സൈനിക നാശനഷ്ടവും വരുത്തിവെക്കുമെന്ന ആശങ്കയും വാഷിംഗ്ടണിലുണ്ട്.

ഇറാനെതിരെയുള്ള യുദ്ധത്തിൽ വിന്യസിച്ചിരിക്കുന്ന അമേരിക്കൻ പ്രതിരോധ സംവിധാനങ്ങളെ യെമനിലേക്ക് തിരിച്ചുവിടുന്നത് തങ്ങളുടെ വ്യോമസുരക്ഷയെ ബാധിക്കുമെന്ന് യുഎസ് സൈനിക മേധാവികൾ കരുതുന്നു.

ബാബ് എൽ-മന്ദബ് കടലിടുക്ക് കൂടി പൂർണ്ണമായി അടയ്ക്കപ്പെട്ടാൽ ആഗോള എണ്ണ ഉൽപ്പാദനത്തിന്റെ 7 ശതമാനവും അന്താരാഷ്ട്ര വ്യാപാരത്തിന്റെ 12 ശതമാനവും സ്തംഭിക്കും.

ഇത് അന്താരാഷ്ട്ര വിപണിയിൽ എണ്ണവില കുതിച്ചുയരാനും അമേരിക്കയിൽ ഇന്ധനവില വർദ്ധിക്കാനും കാരണമാകും.

നിലവിൽ അമേരിക്കൻ ജനങ്ങൾക്കിടയിൽ ഡൊണാൾഡ് ട്രംപിന്റെ ജനപ്രീതി കുറഞ്ഞുനിൽക്കുന്ന സാഹചര്യത്തിൽ എണ്ണവിലയിലെ ഈ കുതിച്ചുചാട്ടം ഭരണകൂടത്തിന് തലവേദനയാണ്.

കഴിഞ്ഞ വർഷം അമേരിക്കൻ കപ്പലുകൾക്ക് നേരെ ആക്രമണം നടത്തില്ലെന്ന ധാരണയിൽ ഹൂതികൾക്ക് നേരെ നടത്തിവന്ന ബോംബാക്രമണം അമേരിക്ക നിർത്തിവെച്ചിരുന്നു.

എന്നാൽ നിലവിലെ ഹൂതി മുന്നേറ്റത്തോടെ ആ ധാരണകൾ പൂർണ്ണമായും അവസാനിച്ച മട്ടാണ്.

യെമൻ സർക്കാരിനെയും സൗദി സഖ്യത്തെയും മാത്രം മുൻനിർത്തി ഹൂതികളെ നേരിടണോ അതോ നേരിട്ട് യുദ്ധത്തിലേക്ക് ഇറങ്ങണോ എന്ന കാര്യത്തിൽ അമേരിക്ക ഇതുവരെ അന്തിമ തീരുമാനമെടുത്തിട്ടില്ല.

പശ്ചിമേഷ്യൻ നയതന്ത്ര രംഗത്ത് വരും ദിവസങ്ങളിൽ അമേരിക്ക സ്വീകരിക്കുന്ന നിലപാടുകൾ ആഗോള സാമ്പത്തിക ഭൂപടത്തിൽ വലിയ ചലനങ്ങൾ സൃഷ്ടിക്കും.

English Summary A lightning offensive by Iran aligned Houthi militants in Yemen has placed them in a position to control the strategic Bab el Mandeb Strait causing a major diplomatic and economic crisis for US President Donald Trump. The capture of Perim Island and key coastal routes threatens global oil transport leaving Saudi Arabia and the United States with limited options as oil prices surge worldwide.

Tags: Malayalam News, News Malayalam, Latest Malayalam News, Vachakam News, USA News, USA News Malayalam, Houthi Advance Yemen, Donald Trump, Red Sea Crisis 2026, Middle East War

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്