BS4 വാഹനങ്ങളുടെ പുകപരിശോധന കാലാവധി നീട്ടി; വിശദാംശങ്ങൾ

DECEMBER 30, 2023, 10:08 AM

തിരുവനന്തപുരം: ഭാരത് സ്റ്റേജ് 4 (ബിഎസ് 4) ഇരുചക്ര വാഹനങ്ങളുടെയും മുച്ചക്ര വാഹനങ്ങളുടെയും പുക പരിശോധനയുടെ കാലാവധി ഒരു വർഷമാക്കി സർക്കാർ ഉത്തരവിറക്കി.

2022 ഓഗസ്റ്റിൽ പുക പരിശോധനാ കേന്ദ്രത്തിന്റെ നടത്തിപ്പുകാരുടെ നിവേദനം പരിഗണിച്ചാണ് അന്നത്തെ മന്ത്രി ആന്റണി രാജു പുക പരിശോധന സർട്ടിഫിക്കറ്റിന്റെ കാലാവധി ആറ് മാസമാക്കി ഉയർത്തിയത്.

കേന്ദ്രമോട്ടോർവാഹന നിയമപ്രകാരം ബി.എസ്. 4 വാഹനങ്ങളുടെ പുകപരിശോധയ്ക്ക് ഒരുവർഷത്തെ സാധുതയുണ്ടെന്ന് ഗതാഗത സെക്രട്ടറി ബിജുപ്രഭാകറും ട്രാൻസ്‌പോർട്ട് കമ്മിഷണർ എസ്. ശ്രീജിത്തും റിപ്പോർട്ട് നൽകിയിരുന്നു.