സ്വർണവിലയിൽ കനത്ത ഇടിവ്; ഒറ്റ ദിവസം കൊണ്ട് പവന് കുറഞ്ഞത് 2,200 രൂപ

JUNE 5, 2026, 11:49 PM

തിരുവനന്തപുരം: സംസ്ഥാനത്ത് സ്വർണവിലയിൽ വൻ ഇടിവ് രേഖപ്പെടുത്തി. ഇന്ന് 22 കാരറ്റ് സ്വർണത്തിന് ഗ്രാമിന് 275 രൂപയും പവന് 2,200 രൂപയുമാണ് കുറഞ്ഞത്. സമീപകാലത്തെ ഏറ്റവും വലിയ വിലക്കുറവുകളിലൊന്നാണ് ഇന്ന് രേഖപ്പെടുത്തിയിരിക്കുന്നത്.

വിലക്കുറവിനെ തുടർന്ന് കേരളത്തിലെ ജ്വല്ലറികളിൽ ഒരു ഗ്രാം 22 കാരറ്റ് സ്വർണം 14,000 രൂപയ്ക്കും ഒരു പവൻ 1,12,000 രൂപയ്ക്കുമാണ് ഇന്ന് വ്യാപാരം നടക്കുന്നത്. കഴിഞ്ഞ ദിവസങ്ങളുമായി താരതമ്യം ചെയ്യുമ്പോൾ വിപണിയിൽ ശ്രദ്ധേയമായ ഇടിവാണ് ഉണ്ടായിരിക്കുന്നത്.

ഇന്നലെയും സ്വർണവിലയിൽ കുറവ് രേഖപ്പെടുത്തിയിരുന്നെങ്കിലും അത് പവന് ഏകദേശം 280 രൂപ മാത്രമായിരുന്നു. എന്നാൽ ഇന്ന് അതിനേക്കാൾ വലിയ തോതിലാണ് വില താഴ്ന്നത്.