ശ്രീചിത്ര പുവർ ഹോമിൽ നിന്ന് കാണാതായ പെൺകുട്ടികളെ കണ്ടെത്തി

AUGUST 21, 2026, 1:25 AM

തിരുവനന്തപുരം: ശ്രീചിത്ര പുവർ ഹോമിൽ നിന്ന് കാണാതായ രണ്ട് പെൺകുട്ടികളെ പൊലീസ് കണ്ടെത്തി. കിളിമാനൂരിലെ ഒരു വീട്ടിൽ നിന്നാണ് ഇന്ന് പുലർച്ചെ വഞ്ചിയൂർ പൊലീസ് കുട്ടികളെ കണ്ടെത്തിയത്.

കുട്ടികളിൽ നിന്ന് വിശദമായ മൊഴിയെടുത്തതിന് ശേഷമേ അവർ എന്തുകൊണ്ടാണ് പുവർ ഹോമിൽ നിന്ന് ഇറങ്ങിപ്പോയതെന്ന് വ്യക്തമാകൂ എന്നാണ് പോലീസ് വ്യക്തമാക്കുന്നത്. വൈദ്യപരിശോധനയ്ക്ക് ശേഷം ഇരുവരെയും മജിസ്‌ട്രേറ്റിന് മുന്നിൽ ഹാജരാക്കും.

കിളിമാനൂർ, പേട്ട സ്വദേശികളായ 14, 16 വയസുള്ള പെൺകുട്ടികളെയാണ് ഇന്നലെ വൈകിട്ടോടെ കാണാതായത്. പുറത്തേക്ക് പോയ ഇരുവരും തിരിച്ചെത്താത്തതിനെ തുടർന്ന് ശ്രീചിത്ര പുവർ ഹോം അധികൃതർ വഞ്ചിയൂർ പൊലീസിൽ വിവരം അറിയിക്കുകയായിരുന്നു.