തിരുവനന്തപുരം: മലയാളി കന്യാസ്ത്രീകളുടെ അറസ്റ്റില് ഉത്തരമില്ലാതെ ന്യൂനപക്ഷ വകുപ്പ് സഹമന്ത്രി ജോര്ജ് കുര്യന്.
നടപടി ക്രമം പൂര്ത്തിയാക്കാതെ ജാമ്യാപേക്ഷ നല്കിയതിനാലാണ് കന്യാസ്ത്രീകളുടെ ജാമ്യം കോടതി തള്ളിയതെന്നും ജാമ്യാപേക്ഷയില് പിഴവുണ്ടായെന്നും ജോര്ജ് കുര്യന് പറഞ്ഞു.
കന്യാസ്ത്രീകള്ക്കൊപ്പമാണെന്ന് ബിജെപി നേതൃത്വം എന്ന് ആവര്ത്തിക്കുന്നുണ്ടെന്നും മാധ്യമങ്ങളുടെ ചോദ്യങ്ങള്ക്ക് ഉത്തരമില്ലാതെ ഒഴിഞ്ഞുമാറുകയായിരുന്നു മന്ത്രി.
സംഭവത്തിൽ പ്രശ്ന പരിഹാരത്തിന് ആത്മാർഥമായി ഇടപെട്ടത് ബിജെപി മാത്രമാണ്. ജാമ്യാപേക്ഷയിൽ വീഴ്ച വരുത്തിയത് ആരെന്ന് വ്യക്തമാക്കണം. നടപടിക്രമം പൂർത്തിയാക്കാതെ നൽകിയാൽ ജാമ്യാപേക്ഷ തള്ളുമെന്നും ജോർജ് കുര്യൻ മാധ്യമങ്ങളോട് പറഞ്ഞു. കന്യാസ്ത്രീകൾക്കെതിരെ കേസെടുത്തത് ബിജെപി സർക്കാരല്ല റെയിൽവേ പൊലീസ് ആണെന്നും മന്ത്രി തിരുവനന്തപുരത്ത് വ്യക്തമാക്കി.
ക്രൈസ്തവ സഭകളുമായുള്ള ബന്ധം ഊട്ടിയുറപ്പിക്കാന് മുന്നിട്ടിറങ്ങിയ നേതാവല്ലേ താങ്കള് എന്ന ചോദ്യം മാധ്യമപ്രവര്ത്തകന് ചോദിച്ചതോടെ 'ഊട്ടിയുറപ്പിക്കുക' എന്ന വാക്കിലെ അക്ഷരപിശക് ചൂണ്ടിക്കാട്ടിയായിരുന്നു ജോര്ജ് കുര്യന്റെ മറുപടി. മലയാളം ശരിക്ക് പഠിക്കണം. ആനയൂട്ട് എന്ന് കേട്ടില്ലെയെന്നും ജോര്ജ് കുര്യന് ചോദിക്കുന്നു.
സംഘപരിവാര് സംഘടനകള് കന്യാസ്ത്രീകളെ എതിര്ക്കുകയാണല്ലോയെന്ന് മാധ്യമ പ്രവര്ത്തകന് ചോദിച്ചപ്പോള് 'താന് കണ്ടില്ല. സൈബര് കണ്ട് പേടിക്കേണ്ട. അവിടെ സഖാക്കളും കോണ്ഗ്രസുകാരും സംഘികളാവും. തിരിച്ചു ആവും' എന്നും ജോര്ജ് കുര്യന് പറഞ്ഞു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260302012446.jpeg)
-20250815021811.jpg)
-20260317124741.jpg)
-20260317122702.jfif)
1-20260317122055.jpg)
