ഫുട്ബോൾ ആവേശം അപകടമാകരുത്; കെഎസ്ഇബിയുടെ കർശന മുന്നറിയിപ്പ്

JUNE 6, 2026, 1:05 AM

തിരുവനന്തപുരം: സംസ്ഥാനത്തെ ഫുട്ബോൾ ആരാധകർക്ക് ജാഗ്രതാ നിർദേശവുമായി കെഎസ്ഇബി. കളിയുടെ ആവേശത്തിൽ വൈദ്യുതി ലൈനുകൾക്ക് സമീപമോ റോഡിന് കുറുകെയോ കൊടികൾ, ഫ്ലെക്സുകൾ, ബാനറുകൾ, തോരണങ്ങൾ എന്നിവ സ്ഥാപിക്കുന്നത് ഗുരുതര അപകടങ്ങൾക്ക് വഴിവെക്കുമെന്ന് കെഎസ്ഇബി മുന്നറിയിപ്പ് നൽകി.

സംസ്ഥാനത്തിന്റെ വിവിധ ഭാഗങ്ങളിൽ ഫുട്ബോൾ മത്സരങ്ങളുമായി ബന്ധപ്പെട്ട് ആരാധകർ വലിയ ഫ്ലെക്സുകളും കൊടികളും വൈദ്യുതി ലൈനുകൾക്ക് സമീപം സ്ഥാപിക്കുന്നതായി ശ്രദ്ധയിൽപ്പെട്ടിട്ടുണ്ടെന്ന് കെഎസ്ഇബി വ്യക്തമാക്കി. ഇത്തരം പ്രവണതകൾ പൊതുസുരക്ഷയ്ക്ക് ഭീഷണിയാണെന്നും അധികൃതർ ചൂണ്ടിക്കാട്ടി.

കൊടികളും ബാനറുകളും സ്ഥാപിക്കുന്നതിനിടെ അബദ്ധത്തിൽ വൈദ്യുതി ലൈനുകളുമായി സമ്പർക്കമുണ്ടായാൽ ഗുരുതരമായ വൈദ്യുതാഘാതത്തിനും ജീവഹാനിക്കും കാരണമായേക്കാമെന്ന് കെഎസ്ഇബി അറിയിച്ചു. കൂടാതെ ശക്തമായ കാറ്റിലും മഴയിലും ഇവ ലൈനുകളിലേക്ക് വീഴുന്നത് വൈദ്യുതി വിതരണ തടസ്സങ്ങൾക്കും അപകടസാധ്യതകൾക്കും ഇടയാക്കുമെന്നും മുന്നറിയിപ്പിൽ പറയുന്നു.

വൈദ്യുതി ലൈനുകൾക്കും പോസ്റ്റുകൾക്കും സമീപം അലങ്കാര വസ്തുക്കൾ സ്ഥാപിക്കുന്നത് പരമാവധി ഒഴിവാക്കണമെന്നും, വൈദ്യുതിയുമായി ബന്ധപ്പെട്ട അപകടസാധ്യതകൾ ശ്രദ്ധയിൽപ്പെട്ടാൽ ഉടൻ തന്നെ സമീപ സെക്ഷൻ ഓഫീസിലോ കെഎസ്ഇബിയുടെ എമർജൻസി നമ്പറായ 9496010101-ലോ വിവരം അറിയിക്കണമെന്നും അധികൃതർ അഭ്യർഥിച്ചു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്