കോലഞ്ചേരിയിൽ കുളത്തിൽ അഴുകിയ നിലയിൽ മൃതദേഹം; പുരുഷന്റേതെന്ന് സംശയം, അന്വേഷണം ആരംഭിച്ചു പോലീസ്

AUGUST 12, 2026, 5:54 AM

എറണാകുളം: കോലഞ്ചേരിക്ക് സമീപം പാങ്കോട് കുളത്തിൽ ദിവസങ്ങളോളം പഴക്കമുള്ള മൃതദേഹം കണ്ടെത്തി. മൃതദേഹം പുരുഷന്റേതാണെന്നാണ് പ്രാഥമിക നിഗമനം. പാങ്കോട് കരട്ടേക്കുഴിവേലിൽ പൗലോസിന്റെ കൃഷിയിടത്തിൽ ജലസേചനത്തിനായി ഉപയോഗിക്കുന്ന കുളത്തിലാണ് അഴുകിയ നിലയിൽ മൃതദേഹം കണ്ടെത്തിയത്.

അസഹനീയമായ ദുർഗന്ധം അനുഭവപ്പെട്ടതിനെ തുടർന്ന് നടത്തിയ പരിശോധനയിലാണ് കുളത്തിൽ മൃതദേഹം പൊങ്ങിക്കിടക്കുന്ന നിലയിൽ കണ്ടെത്തിയത്. തുടർന്ന് പുത്തൻകുരിശ് പൊലീസും ഫോറൻസിക് വിഭാഗവും സ്ഥലത്തെത്തി പരിശോധന നടത്തി.

നടപടികൾ പൂർത്തിയാക്കിയ ശേഷം മൃതദേഹം മോർച്ചറിയിലേക്ക് മാറ്റി. മരിച്ചയാളെ ഇതുവരെ തിരിച്ചറിഞ്ഞിട്ടില്ല. സമീപ പ്രദേശങ്ങളിൽ റിപ്പോർട്ട് ചെയ്തിട്ടുള്ള മിസ്സിംഗ് കേസുകൾ ഉൾപ്പെടെ പരിശോധിച്ച് ആളെ തിരിച്ചറിയാനുള്ള ശ്രമത്തിലാണ് പൊലീസ്.