-20250705034157.jpg)
പെരിന്തല്മണ്ണ: മലപ്പുറം ജില്ലാ പൊലീസ് തുടങ്ങിയ ഓപ്പറേഷന് ലാസ്റ്റ്ബെല് പ്രത്യേക പരിശോധനയുടെ രണ്ടാം ദിവസം കസ്റ്റഡിയിലെടുത്തത് 143 വാഹനങ്ങള്. വിവിധ സ്റ്റേഷന് പരിധിയില് നിന്നാണ് വാഹനങ്ങള് പിടികൂടിയത്. 28 പേര്ക്കെതിരേ കേസെടുത്തു. ഇതില് 22 കേസുകള് പ്രായപൂര്ത്തിയാകാത്ത കുട്ടികള്ക്ക് വാഹനം ഓടിക്കാന് നല്കിയതിന് രക്ഷിതാവിനെതിരേയാണ്.
മതിയായ രേഖകളില്ലാതെ വാഹനം ഓടിച്ചതിനും നിയമവിരുദ്ധമായി രൂപമാറ്റം വരുത്തിയ വാഹനങ്ങള് ഓടിച്ചതിനുമായി ആറ് വിദ്യാര്ഥികള്ക്കെതിരേയും കേസെടുത്തു. കോട്ടയ്ക്കല് പൊലീസ് ഇന്സ്പെക്ടറുടെ നേതൃത്വത്തില് ഒതുക്കുങ്ങല് സ്കൂള് പരിസരത്ത് നടത്തിയ വാഹനപരിശോധനയ്ക്കിടെ പ്രായപൂര്ത്തിയാകാത്ത കുട്ടി ഓടിച്ചെത്തിയ ബൈക്ക് പൊലീസിനെ ഇടിച്ചുതെറിപ്പിച്ച് കടന്നുകളഞ്ഞു. അന്വേഷണത്തില് ബൈക്ക് ഓടിച്ച വിദ്യാര്ഥിയേയും വാഹനവും കണ്ടെത്തി കേസെടുത്തു.
സ്കൂള് പരിസരങ്ങളിലെ അക്രമങ്ങള്, അനധികൃത വാഹന ഉപയോഗം, ലഹരി ഉപയോഗം എന്നിവ തടയുന്നതിനായാണ് ജില്ലാ പോലീസ് പരിശോധന തുടങ്ങിയത്. ഇതുവരെ 343 വാഹനങ്ങള് കസ്റ്റഡിയിലെടുക്കുകയും 58 രക്ഷിതാക്കളും 20 വിദ്യാര്ഥികളും ഉള്പ്പെടെ 78 പേര്ക്കെതിരേ കേസെടുക്കുകയും ചെയ്തിട്ടുണ്ട്. പരിശോധന വരും ദിവസങ്ങളിലും തുടരും.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260302012446.jpeg)
-20250815021811.jpg)
-20260317124741.jpg)
-20260317122702.jfif)
1-20260317122055.jpg)
