-20251031094231.jpg)
കൊച്ചി: ഹാല് സിനിമയ്ക്ക് സമാന്തര സെന്സറിങ് നിര്ദേശങ്ങളുമായി കത്തോലിക്കാ കോണ്ഗ്രസ്. പതിനാറ് രംഗങ്ങളില് മാറ്റം വരുത്തണമെന്നാണ് ഹൈക്കോടതിയില് നല്കിയ സത്യവാങ്മൂലത്തില് കത്തോലിക്കാ കോണ്ഗ്രസ് ആവശ്യപ്പെടുന്നത്.
ഹാല് സിനിമയുടെ നിര്മാതാക്കളുടെ ഹര്ജി ഹൈക്കോടതി വൈകുന്നേരം നാലുമണിയോടെ പരിഗണിക്കാനിരിക്കെയാണ് കത്തോലിക്കാ കോണ്ഗ്രസിന്റെ സത്യവാങ്മൂലം.
പെണ്കുട്ടികള് ക്രൈസ്തവ മതത്തിലേക്ക് മാറിയെന്ന പരാമര്ശം തെറ്റിദ്ധാരണാജനകമാണ്. ഇത് ക്രൈസ്തവ മതം വലിയ തോതില് മതം മാറ്റം നടത്തുന്നുവെന്ന ധാരണയുണ്ടാക്കുന്നതാണ്. സാമുദായിക വിദ്വേഷം വളര്ത്തുന്ന രംഗങ്ങള് സിനിമയിലുണ്ട്.
താമരശേരി ബിഷപ്പിനെയും ക്രൈസ്തവ വിശ്വാസങ്ങളെയും സംബന്ധിച്ച് തെറ്റിദ്ധാരണ പരത്തുന്നതാണ് സിനിമ. സിനിമയ്ക്ക് സെന്സറിംഗ് നിര്ദേശിച്ച സിബിഎഫ്സി നടപടി ശരിയാണെന്നും കത്തോലിക്കാ കോണ്ഗ്രസ് ഹൈക്കോടതിയില് സമര്പ്പിച്ച സത്യവാങ്മൂലത്തില് പറയുന്നു.
നവാഗതനായ വീര സംവിധാനം ചെയ്യുന്ന, ഷെയിന് നിഗം നായകനാകുന്ന സിനിമയാണ് ഹാല്. ചിത്രത്തില് നിന്ന് ചില രംഗങ്ങള് നീക്കം ചെയ്യാന് നേരത്തെ സെന്സര് ബോര്ഡും ആവശ്യപ്പെട്ടിരുന്നു. സിനിമയിലെ ബീഫ് ബിരിയാണി രംഗം, ധ്വജ പ്രണാമം, സംഘം കാവലുണ്ട്, രാഖി പരാമര്ശങ്ങള് എന്നിവ നീക്കം ചെയ്യണമെന്നാണ് സെന്സര് ബോര്ഡിന്റെ നിര്ദേശം.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260302012446.jpeg)
-20260317114153.jpg)
-11-20260113024610.webp)
-20250815021811.jpg)
-20260317124741.jpg)
-20260317122702.jfif)
1-20260317122055.jpg)
