-20250712053535.jpg)
പാലക്കാട്: വെള്ളിയാഴ്ച വൈകുന്നേരം അഞ്ച് മണിയോടെയാണ് പൊല്പ്പുളളിയില് കാറിന് തീപിടിച്ചുണ്ടായ അപകടത്തില് അമ്മയ്ക്കും മക്കൾക്കും ഗുരുതരമായി പൊള്ളലേറ്റത്.
പൊല്പ്പുളളി കൈപ്പക്കോട് സ്വദേശി എല്സി മാര്ട്ടിന്, മക്കളായ എമിലീന മരിയ മാര്ട്ടിന്, ആല്ഫ്രഡ് പാര്പ്പിന് എന്നിവര്ക്കാണ് ഗുരുതരമായി പരിക്കേറ്റത്. മൂവര്ക്കും 90 ശതമാനത്തിലധികം പൊളളലേറ്റിട്ടുണ്ടെന്നാണ് ഡോക്ടര്മാര് പറയുന്നത്.
മറ്റൊരു മകള്ക്കും അപകടത്തില് പരിക്കേറ്റിട്ടുണ്ട്. പെണ്കുട്ടിക്ക് 40 ശതമാനം പൊളളലേറ്റിട്ടുണ്ട്. എല്സിയുടെയും മക്കളുടെയും നില അതീവഗുരുതരമായി തുടരുകയാണെന്ന് ഡോക്ടര് അറിയിച്ചു.
പരിക്കേറ്റ ആറു വയസുകാരന് ആല്ഫ്രഡ്, മൂന്നു വയസുകാരി എമില് എന്നിവരെയും കുട്ടികളുടെ അമ്മ എല്സിയെയും കൊച്ചി മെഡിക്കല് സെന്റര് ആശുപത്രിയില് പ്രവേശിപ്പിച്ചിരിക്കുകയാണ്.
ബേണ് ഐസിയുവില് വിദഗ്ധ ചികില്സയിലാണ് മൂവരും. പാലക്കാട്ടെ സ്വകാര്യ ആശുപത്രിയിലെ നഴ്സാണ് എല്സി മാര്ട്ടിന്. കുട്ടികളുമൊത്ത് പുറത്തുപോകാനായി കാറില് കയറിയപ്പോഴായിരുന്നു സംഭവം. കാര് അതിനിടെ പൊട്ടിത്തെറിക്കുകയായിരുന്നു. പഴയ മാരുതി 800 കാറാണ് പൊട്ടിത്തെറിച്ചത്. കാറിന് പുറത്തായിരുന്നു കുട്ടികളും എല്സിയും കിടന്നിരുന്നത്.
എല്സിയുടെ ഭര്ത്താവ് അടുത്തിടെയാണ് മരിച്ചത്. ഏറെ നാളായി ഉപയോഗിച്ചിട്ടില്ലാത്ത കാറാണ് പൊട്ടിത്തെറിച്ചത്. അപകടകാരണം കണ്ടെത്താനായി മോട്ടോര് വാഹനവകുപ്പ്, ഫയര്ഫോഴ്സ്, പൊലീസ് എന്നിവരുടെ നേതൃത്വത്തില് പരിശോധന നടത്തി. ബാറ്ററി ഷോർട്ട് സർക്യൂട്ടായതാണ് അപകടകാരണം എന്നാണ് പ്രാഥമിക നിഗമനമെന്ന് ഫയർ ഫോഴ്സ് അറിയിച്ചു. കാറിന്റെ കാല്പഴക്കമായിരിക്കാം ഷോർട്ട് സർക്യൂട്ടിലേക്ക് നയിച്ചതെന്നും പൂർണ്ണമായും കത്തി നശിച്ച കാറിൽ വിശദ പരിശോധന നടത്താൻ കഴിയില്ലെന്നും ചിറ്റൂരിലെ ഫയർഫോഴ്സ് ഉദ്യോഗസ്ഥർ പറഞ്ഞു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260302012446.jpeg)
-20260317114153.jpg)
-11-20260113024610.webp)
-20250815021811.jpg)
-20260317124741.jpg)
-20260317122702.jfif)
1-20260317122055.jpg)
