'ശമ്പളം ഉൾപ്പെടെയുള്ള ആനുകൂല്യങ്ങൾ തടഞ്ഞുവെച്ചു'; അമ്മ ഓഫീസിൽ വീണ്ടും തൊഴിൽ പീഡന പരാതി

MAY 12, 2026, 12:36 AM

കൊച്ചി: താരസംഘടനയായ അമ്മയുടെ ഓഫീസിനെതിരെ വീണ്ടും തൊഴിൽ പീഡന പരാതി. ഉണ്ണി ശിവപാൽ, കുക്കു പരമേശ്വരൻ എന്നിവർക്കെതിരെയാണ് മുൻ ജീവനക്കാരനായ യുവാവ് ആരോപണവുമായി രംഗത്തെത്തിയത്.

ശമ്പളം ഉൾപ്പെടെയുള്ള ആനുകൂല്യങ്ങൾ തടഞ്ഞുവെച്ചുവെന്നാണ് പരാതിയിലെ പ്രധാന ആരോപണം. ഇതേ തസ്തികയിൽ ജോലി ചെയ്തിരുന്ന അതുല്യയും കഴിഞ്ഞ ദിവസം സമാന പരാതിയുമായി രംഗത്തെത്തിയിരുന്നു.

പരാതിക്കാരന്റെ മൊഴി എറണാകുളം നോർത്ത് പൊലീസ് രേഖപ്പെടുത്തിയിട്ടുണ്ട് എന്നാണ് ലഭിക്കുന്ന വിവരം. അമ്മയുടെ എക്സിക്യൂട്ടീവ് യോഗം ഇന്ന് ചേരാനിരിക്കെയാണ് പുതിയ പരാതി ഉയർന്നിരിക്കുന്നത്.