നാലര വർഷത്തിന് ശേഷം ഉൾപ്പെടുത്തിയ സർക്കാർ പരിപാടിയിൽ പങ്കെടുക്കാതെ ജി. സുധാകരൻ

OCTOBER 27, 2025, 5:49 AM

ആലപ്പുഴ: മുഖ്യമന്ത്രി പിണറായി വിജയൻ ഉദ്ഘാടകനായ പരിപാടിയിൽ നിന്ന് വിട്ടു നിന്ന് മുതിർന്ന സിപിഐഎം നേതാവ് ജി. സുധാകരൻ. ആലപ്പുഴ തോട്ടപ്പള്ളി നാലുചിറ പാലത്തിന്റെ ഉദ്ഘാടന പരിപാടിയിൽ നിന്നുമാണ് സുധാകരൻ വിട്ടുനിന്നത് എന്നാണ് ലഭിക്കുന്ന വിവരം.

അതേസമയം പരിപാടിയിൽ ജി. സുധാകരനെ ഉൾപ്പെടുത്തി പോസ്റ്ററും നോട്ടീസുമിറക്കിയിരുന്നു. നാലര വർഷത്തിന് ശേഷം ആദ്യമായാണ് സർക്കാർ പരിപാടിയിൽ ജി. സുധാകരനെ ഉൾപ്പെടുത്തിയത്. മന്ത്രി മുഹമ്മദ് റിയാസ് ആണ് പരിപാടിയിൽ അദ്ധ്യക്ഷത വഹിച്ചത്.

കഴിഞ്ഞ നാലര വർഷത്തിനിടെ നഗരത്തിലെ നാൽപ്പാലമുൾപ്പെടെ ജി. സുധാകരന്റെ കാലത്ത് തു‌ടക്കമിട്ട നിരവധി പദ്ധതികളുടെ ഉദ്ഘാടനച്ചടങ്ങുകളിൽ സുധാകരനെ അവഗണിച്ചിരുന്നു.