താമസസ്ഥലത്ത് കൗൺസലിങ്ങിനെത്തിയ 14 കാരിയെ പീഡിപ്പിച്ചു; ഡോക്ടർ അറസ്റ്റിൽ

JUNE 24, 2025, 5:30 AM

കാസർഗോഡ് ഡോക്ടറുടെ താമസസ്ഥലത്ത് കൗൺസലിങ്ങിനെത്തിയ 14 കാരിയെ പീഡിപ്പിച്ച ഡോക്ടർ അറസ്റ്റിലായതായി റിപ്പോർട്ട്. കാഞ്ഞങ്ങാട്ടെ ഡോ. വിശാഖ കുമാറാണ് അറസ്റ്റിലായത്. കുശാൽ നഗർ റെയിൽവേ ഗേറ്റിനു സമീപം ചർച്ച് റോഡിലെ ഡോക്ടറുടെ വീട്ടിൽ കൗൺസലിങ്ങിനെത്തിയപ്പോഴായിരുന്നു പീഡനം ഉണ്ടായത്.

2023 ഡിസംബറിലാണ് സംഭവം ഉണ്ടായത് എന്നാണ് ലഭിക്കുന്ന വിവരം. കൗൺസലിങ് മുറിയിൽവെച്ച് പീഡിപ്പിച്ചതായാണ് പെൺകുട്ടി മൊഴി നൽകിയത്. ഡോക്ടർ രണ്ടുതവണ പീഡിപ്പിച്ചതായി പരാതിയിൽ വ്യക്തമാക്കിയിട്ടുണ്ട് എന്നാണ് ലഭിക്കുന്ന വിവരം.

അതേസമയം സ്കൂളിൽ നടന്ന കൗൺസലിങ്ങിനിടെയാണ് ഇപ്പോൾ 16 വയസ്സ് പ്രായമായ പെൺകുട്ടി വിവരം വെളിപ്പെടുത്തിയത്. പോക്സോയ്ക്ക് പുറമെ സംരക്ഷണം ഒരുക്കേണ്ടവർതന്നെ കുറ്റകൃത്യം നടത്തിയെന്ന വകുപ്പും പ്രതിക്കെതിരെ ചുമത്തിയിട്ടുണ്ട് എന്നാണ് ലഭിക്കുന്ന റിപ്പോർട്ട്.