കണ്ണൂര്: കണ്ണൂരില് ഉഗ്രസ്ഫോടന ശേഷിയുള്ള സ്റ്റീല് ബോംബുകള് കണ്ടെത്തി. മട്ടന്നൂര് കൊളാരിയില് ഉഗ്രസ്ഫോടന ശേഷിയുള്ള 9 സ്റ്റീല് ബോംബുകളാണ് കണ്ടെത്തിയത്. പാടത്ത് ബക്കറ്റില് സൂക്ഷിച്ച നിലയിലാണ് ബോംബുകള് കണ്ടെത്തിയത്. ബോംബ് സ്ക്വാഡെത്തി ബോംബുകള് നിര്വീര്യമാക്കി. സംഭവത്തില് പൊലീസ് അന്വേഷണം നടന്നുവരികയാണ്.
ബോംബ് ശേഖരം ശ്രദ്ധയില്പ്പെട്ട നാട്ടുകാര് പൊലീസില് വിവരം അറിയിക്കുകയായിരുന്നു. പൊലീസും ബോംബ് സ്വാക്ഡും സ്ഥലത്തെത്തി ഉടനടി ബോംബുകള് കണ്ടെത്തി നിര്വീര്യമാക്കുകയായിരുന്നു.
ഈ മേഖലയില് ആര്എസ്എസിന്റെ കാര്യാലയം പ്രവര്ത്തിക്കുന്നുണ്ട്. ഇത് ആര്എസ്എസിന്റെ ശക്തി കേന്ദ്രമാണെന്നും ബോംബ് നിര്മാണത്തിന് പിന്നില് ആര്എസ്എസ് ആണെന്നും സിപിഐഎം ആരോപിച്ചു. എന്നാല് ഇതുവരെ പൊലീസ് ഈ ആരോപണം സ്ഥിരീകരിച്ചിട്ടില്ല. ബോംബുകള് ഈ അടുത്ത കാലത്ത് തന്നെ നിര്മിച്ചതാണെന്നാണ് പൊലീസ് നല്കുന്ന വിവരം.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്