മലപ്പുറത്ത് പരീക്ഷാ മാർക്ക് കുറഞ്ഞ വിഷമത്തിൽ 18-കാരൻ ജീവനൊടുക്കി

JULY 7, 2026, 12:58 AM

മലപ്പുറം: മലപ്പുറത്ത് പരീക്ഷയിൽ കുറഞ്ഞ മാർക്ക് ലഭിച്ചതിനെ തുടർന്ന് മാനസിക വിഷമത്തിലായിരുന്ന 18-കാരൻ ആത്മഹത്യ ചെയ്തതായി റിപ്പോർട്ട്.

നിലമ്പൂർ വടപുറം സ്വദേശിയായ ദീപക് (18) ആണ് വീട്ടിലെ മുറിയിൽ ആത്മഹത്യ ചെയ്ത നിലയിൽ കണ്ടെത്തിയത്. ഇന്ന് രാവിലെയാണ് സംഭവം.

മഞ്ചേരി ഐടിഐയിലെ വിദ്യാർത്ഥിയായിരുന്ന ദീപക്, പരീക്ഷയിൽ പ്രതീക്ഷിച്ച മാർക്ക് ലഭിക്കാത്തതിനെ തുടർന്നുണ്ടായ മാനസിക വിഷമമാണ് ആത്മഹത്യയ്ക്ക് കാരണമായതെന്നാണ് പൊലീസിന്റെ പ്രാഥമിക നിഗമനം. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.

(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. ടോള്‍ ഫ്രീ നമ്പര്‍: Toll free helpline number: 1056, 0471-2552056)