നിലമ്പൂരിൽ മത്സരിക്കാൻ പി വി അൻവർ: ടിഎംസി ദേശീയ നേതൃത്വത്തെ സന്നദ്ധത അറിയിച്ചെന്ന് റിപ്പോർട്ടുകൾ

MAY 28, 2025, 8:34 PM

മലപ്പുറം: യുഡിഎഫിനോട് ഇടഞ്ഞ് പിവി അൻവർ. പിന്നാലെ നിലമ്പൂരിൽ മത്സരിക്കാൻ പിവി അൻവർ തയ്യാറെടുക്കുന്നുവെന്നാണ് റിപ്പോർട്ട്.

തൃണമൂല്‍ സംസ്ഥാന സെക്രട്ടറിയേറ്റിന്റെ നിര്‍ണായക യോഗം ഇന്ന് മഞ്ചേരിയില്‍ നടക്കും. വൈകുന്നേരം നാല് മണിക്കാണ് യോഗം ചേരുന്നത്.

നാളെ സംസ്ഥാന പ്രവര്‍ത്തക സമിതി യോഗവും ചേരും. ഇതിന് ശേഷം മത്സരിക്കുന്നതുമായി ബന്ധപ്പെട്ട ഔദ്യോഗിക പ്രഖ്യാപനം നടത്തുക.

ഉപതെരഞ്ഞെടുപ്പിൽ മത്സരിക്കാൻ ടിഎംസി ദേശീയ നേതൃത്വത്തെ അൻവർ സന്നദ്ധത അറിയിച്ചെന്നാണ് പുറത്ത് വരുന്ന റിപ്പോർട്ട്.

പ്രചാരണത്തിന് എത്തേണ്ട നേതാക്കളുടെ പട്ടികയും അന്‍വര്‍ ദേശീയ നേതൃത്വത്തിന് കൈമാറിയിട്ടുണ്ട്. മത്സരത്തിന് ഒരുങ്ങാന്‍ പാര്‍ട്ടി പ്രവര്‍ത്തകര്‍ക്കും നിര്‍ദ്ദേശം നല്‍കി.