തമിഴ്നാട് മുൻ വിദ്യാഭ്യാസമന്ത്രി അൻബിൽ മഹേഷിൻ്റെ വസതിയിൽ റെയ്ഡ്

SEPTEMBER 16, 2026, 1:55 AM

ചെന്നൈ: തമിഴ്നാട് മുൻ വിദ്യാഭ്യാസമന്ത്രിയും ഡിഎംകെ നേതാവുമായ അൻബിൽ മഹേഷ് പൊയ്യാമൊഴിയുടെ വസതിയിൽ സെൻട്രൽ ക്രൈം ബ്രാഞ്ച് (CCB) റെയ്ഡ്.

തിരുച്ചിറപ്പള്ളിയിലെയും ചെന്നൈയിലെയും വസതിയിലാണ് റെയ്ഡ് നടക്കുന്നത്.പ്രൈവറ്റ് സ്കൂളുകൾക്ക് അംഗീകാരം നൽകുന്നതുമായി ബന്ധപ്പെട്ട കോഴ ആരോപണത്തിലാണ് റെയ്ഡ്.

തിരുച്ചിറപ്പള്ളിയിലെ പൊയ്യാമൊഴിയുടെ വസതിയിലും ചെന്നൈയിലെ ഗ്രീൻവേസ് റോഡിലുള്ള അപ്പാർട്ട്മെന്റിലുമാണ് പോലീസ് സംഘം പരിശോധന ആരംഭിച്ചത്.

ഡിഎംകെ പ്രമുഖ നേതാവായ അദ്ദേഹം തിരുവെറുംബൂർ മണ്ഡലത്തിൽ നിന്ന് രണ്ടുതവണ തമിഴ്‌നാട് നിയമസഭയിലേക്ക് തിരഞ്ഞെടുക്കപ്പെടുകയും പിന്നീട് മന്ത്രിസഭയിൽ അംഗമാവുകയും ചെയ്തു. എന്നാൽ, 2026-ലെ നിയമസഭാ തിരഞ്ഞെടുപ്പിൽ അദ്ദേഹത്തിന് സീറ്റ് നഷ്ടമായി. ചെന്നൈ സെൻട്രൽ ക്രൈം ബ്രാഞ്ച് കൈകാര്യം ചെയ്യുന്ന അന്വേഷണത്തിലെ സുപ്രധാനമായ നീക്കമായിരുന്നു ഈ റെയ്ഡ്.

അന്വേഷണത്തിന്റെ ഭാഗമായി തമിഴ്‌നാട് പ്രൈവറ്റ് സ്കൂൾസ് അസോസിയേഷൻ സ്ഥാപക പ്രസിഡന്റും ഡിഎംകെ ഭാരവാഹിയുമായ പി.ഡി. അരകുമാറിനെ നേരത്തെ അറസ്റ്റ് ചെയ്തിരുന്നു.