ന്യൂഡല്ഹി: മുഖ്യ തിരഞ്ഞെടുപ്പ് കമ്മിഷണര് ഗ്യാനേഷ് കുമാറിനെതിരെ പുതിയ ഇംപീച്ച്മെന്റ് പ്രമേയം കൊണ്ടുവരാന് പ്രതിപക്ഷം നീക്കം. കോണ്ഗ്രസിന്റെ നേതൃത്വത്തില് ഇന്ത്യ മുന്നണിയിലെ പ്രധാന കക്ഷികള് പ്രമേയത്തെ പിന്തുണയ്ക്കാന് ധാരണയിലെത്തി. ഇതിനായുള്ള ഔദ്യോഗിക നോട്ടീസ് തയ്യാറാക്കുന്ന നടപടികള് പുരോഗമിക്കുകയാണ്.
തിരഞ്ഞെടുപ്പ് കമ്മീഷന് അംഗങ്ങള്ക്കിടയില് രൂക്ഷമായ അഭിപ്രായ വ്യത്യാസങ്ങളുണ്ടെന്ന റിപ്പോര്ട്ടുകള് പുറത്തുവന്നതിന് പിന്നാലെയാണ് പ്രതിപക്ഷത്തിന്റെ ഈ നീക്കം. വോട്ടര് പട്ടിക പരിഷ്കരണവും മറ്റ് പ്രധാന തീരുമാനങ്ങളും ഉള്പ്പെടെയുള്ള കാര്യങ്ങളില് തിരഞ്ഞെടുപ്പ് കമ്മിഷണര്മാരായ സുഖ്ബീര് സിങ് സന്ധു, വിവേക് ജോഷി എന്നിവര് കഴിഞ്ഞ 10 മാസത്തിനിടെ 14 തവണ ഔദ്യോഗികമായി എതിര്പ്പ് ഉന്നയിച്ചിരുന്നതായി ദി ഇന്ത്യന് എക്സ്പ്രസ് റിപ്പോര്ട്ട് ചെയ്തിരുന്നു. ഫോം 6-ലെ മാറ്റങ്ങള് ഉള്പ്പെടെയുള്ള നിര്ണായക തീരുമാനങ്ങള് മറ്റ് കമ്മിഷണര്മാരുമായി ആലോചിക്കാതെ ഏകപക്ഷീയമായി നടപ്പിലാക്കുകയായിരുന്നുവെന്നാണ് ആക്ഷേപം.
എന്നാല്, ഈ ആരോപണങ്ങളെല്ലാം തിരഞ്ഞെടുപ്പ് കമ്മീഷന് തള്ളി. കമ്മീഷനില് വിവിധ വിഷയങ്ങളില് വ്യത്യസ്ത അഭിപ്രായങ്ങള് രൂപപ്പെടുന്നത് സ്വാഭാവികമായ ചര്ച്ചകളുടെ ഭാഗമാണെന്നും വോട്ടര്പട്ടിക പരിഷ്കരണവും മറ്റ് തീരുമാനങ്ങളും ഐകകണ്ഠ്യേനയാണ് കൈക്കൊണ്ടതെന്നും കമ്മീഷന് വ്യക്തമാക്കുകയുണ്ടായി.
നേരത്തെ ഏപ്രിലിലും ഗ്യാനേഷ് കുമാറിനെതിരെ പ്രതിപക്ഷം ഇംപീച്ച്മെന്റ് നോട്ടീസ് നല്കിയിരുന്നെങ്കിലും പാര്ലമെന്റ് സ്പീക്കറും രാജ്യസഭാ ചെയര്മാനും അത് തള്ളുകയായിരുന്നു. പ്രമേയം പാസാക്കാനുള്ള കൃത്യമായ അംഗബലം പാര്ലമെന്റില് ഇല്ലെങ്കില് പോലും, മുഖ്യ തിരഞ്ഞെടുപ്പ് കമ്മിഷണറുടെ പ്രവര്ത്തനങ്ങളോടുള്ള ശക്തമായ അവിശ്വാസവും പ്രതിഷേധവും ദേശീയതലത്തില് പ്രകടമാക്കുകയാണ് പ്രതിപക്ഷം ഇതിലൂടെ ലക്ഷ്യമിടുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260701122032.jpg)
-20260924081417.jpg)
-20260413101910.jpg)
