കേരളത്തിലെ ഒബിസി സംവരണം: മതാടിസ്ഥാനത്തില്‍ നല്‍കരുതെന്ന് ദേശീയ പിന്നോക്ക വിഭാഗ കമ്മീഷന്‍

OCTOBER 31, 2025, 11:35 AM

ന്യൂഡല്‍ഹി: കേരളത്തിലെ ഒബിസി സംവരണത്തിനെതിരെ ദേശീയ പിന്നോക്ക വിഭാഗ കമ്മീഷന്‍. ജാതി അടിസ്ഥാനത്തിലാണ് സംവരണം നല്‍കേണ്ടത്. കേരളത്തില്‍ രാഷ്ട്രീയ നേട്ടത്തിന് വേണ്ടിയാണ് സംവരണം നല്‍കുന്നത്. മതാടിസ്ഥാനത്തില്‍ സംവരണം നല്‍കാന്‍ കഴിയില്ലെന്ന് കമ്മീഷന്‍ ചെയര്‍മാന്‍ ഹന്‍സ് രാജ് അഹിര്‍ വ്യക്തമാക്കി.

'മതാടിസ്ഥാനത്തിലാണ് മുസ്ലിം- ക്രിസ്ത്യന്‍ വിഭാഗങ്ങള്‍ക്ക് കേരളത്തില്‍ സംവരണം നല്‍കുന്നത്. ഇത് ശരിയല്ല. ജാതി അടിസ്ഥാനത്തിലാണ് സംവരണം നല്‍കേണ്ടത്. രാഷ്ട്രീയ നേട്ടം ലക്ഷ്യമിട്ടാണ് കേരളത്തില്‍ സര്‍ക്കാര്‍ സംവരണം നല്‍കുന്നത്. മതത്തിന്റെ പേരില്‍ ഒരു നിലക്കും ഒബിസി സംവരണം നല്‍കാന്‍ കഴിയില്ല.' - ഹന്‍സ് രാജ് പറഞ്ഞു.

മുസ്ലിം- ക്രിസ്ത്യന്‍ വിഭാഗങ്ങളിലെ പിന്നോക്കക്കാരെ കണ്ടെത്തി വേണം സംവരണം നല്‍കാന്‍. ഇക്കാര്യത്തില്‍ സംസ്ഥാന സര്‍ക്കാരിനോട് റിപ്പോര്‍ട്ട് തേടിയെന്നും അദ്ദേഹം കൂട്ടിച്ചേര്‍ത്തു. മാത്രമല്ല തദ്ദേശസ്വയംഭരണ തെരഞ്ഞെടുപ്പില്‍ ഒബിസി സംവരണം നടപ്പാക്കണമെന്നും കമ്മീഷന്‍ ആവശ്യപ്പെട്ടിട്ടുണ്ട്.