ഇന്ത്യയിലെ എക്കാലത്തെയും വലിയ പ്രാഥമിക ഓഹരി വിൽപ്പനയായ ജിയോ പ്ലാറ്റ്‌ഫോംസിന്റെ ഐപിഒ ഒക്ടോബർ 21-ന് ആരംഭിക്കും. 27 കോടി ഓഹരികളുടെ പുതിയ ഇഷ്യൂവിലൂടെ ഏകദേശം 30,213 കോടി രൂപ സമാഹരിക്കാനാണ് ജിയോ പ്ലാറ്റ്‌ഫോംസ് ലക്ഷ്യമിടുന്നത്. ഒക്ടോബർ 21-ന് ആരംഭിക്കുന്ന ഓഹരി വിൽപ്പന ഒക്ടോബർ 23 വരെ തുടരും.

ഓഹരി ഒന്നിന് 1,065 രൂപ മുതൽ 1,119 രൂപ വരെയാണ് വില നിശ്ചയിച്ചിരിക്കുന്നത്. 12 ഓഹരികളുടെ ഗുണിതങ്ങളായി നിക്ഷേപകർക്ക് അപേക്ഷിക്കാം. റിലയൻസ് ഇൻഡസ്ട്രീസ് ഓഹരി ഉടമകൾക്കായി 2,500 കോടി രൂപയും ജീവനക്കാർക്കായി 500 കോടി രൂപയും നീക്കിവെച്ചിട്ടുണ്ട്.

ഗ്രേ മാർക്കറ്റിൽ ജിയോ ഓഹരികൾക്ക് ഏകദേശം 22% പ്രീമിയം ലഭിക്കുന്നുണ്ട്. ഇത് 245 രൂപയുടെ ഗ്രേ മാർക്കറ്റ് പ്രീമിയമാണ് സൂചിപ്പിക്കുന്നത്. ഐപിഒയുടെ ഉയർന്ന വിലയായ 1,119 രൂപ പരിഗണിക്കുമ്പോൾ, 1,364 രൂപയ്ക്ക് ലിസ്റ്റ് ചെയ്യപ്പെടുമെന്നാണ് അനൗദ്യോഗിക കണക്കുകൾ.

ഒക്ടോബർ 28, 2026-ന് ബോംബെ സ്റ്റോക്ക് എക്സ്ചേഞ്ചിലും നാഷണൽ സ്റ്റോക്ക് എക്സ്ചേഞ്ചിലും ജിയോ പ്ലാറ്റ്‌ഫോംസ് ലിസ്റ്റ് ചെയ്യപ്പെടും. 2024-ൽ ഹ്യുണ്ടായ് മോട്ടോർ ഇന്ത്യയുടെ 27,870 കോടി രൂപയുടെ ഐപിഒയെ മറികടന്ന് ഇന്ത്യയുടെ ചരിത്രത്തിലെ ഏറ്റവും വലിയ പൊതു ഇഷ്യൂവായി ഇത് മാറും.

ഈ ലിസ്റ്റിംഗോടുകൂടി ജിയോ പ്ലാറ്റ്‌ഫോംസ് ഇന്ത്യയിലെ നാലാമത്തെ ഏറ്റവും മൂല്യമുള്ള ലിസ്റ്റഡ് കമ്പനിയായി മാറും. റിലയൻസ് ഇൻഡസ്ട്രീസ്, ഭാരതി എയർടെൽ, എച്ച്ഡിഎഫ്‌സി ബാങ്ക് എന്നിവയ്ക്ക് പിന്നിലായിരിക്കും ജിയോയുടെ സ്ഥാനം.

ഓഹരി വിൽപ്പനയ്ക്ക് ശേഷം റിലയൻസ് ഗ്രൂപ്പിന്റെ മൊത്തം വിപണി മൂല്യം ഏകദേശം 28.5 ലക്ഷം കോടി രൂപയായി ഉയരും. ഇതോടെ ടാറ്റ ഗ്രൂപ്പിനെ മറികടന്ന് ഇന്ത്യയിലെ ഏറ്റവും മൂല്യമുള്ള വ്യവസായ ഗ്രൂപ്പായി റിലയൻസ് മാറും.

ടെലികോം മേഖലയിൽ മാത്രം ഒതുങ്ങാതെ സാങ്കേതികവിദ്യ, ആർട്ടിഫിഷ്യൽ ഇൻ്റലിജൻസ്, ക്ലൗഡ് കമ്പ്യൂട്ടിംഗ് എന്നിവയാണ് ജിയോയുടെ അടുത്ത ഘട്ട വളർച്ചയ്ക്ക് ഇന്ധനമാകുമെന്ന് മാനേജിംഗ് ഡയറക്ടർ ആകാശ് അംബാനി പി.ടി.ഐയോട് പറഞ്ഞു. സാറ്റലൈറ്റ് കണക്റ്റിവിറ്റി, അടുത്ത തലമുറ 6G സാങ്കേതികവിദ്യ, ബ്രോഡ്ബാൻഡ്, എന്റർപ്രൈസസിനായുള്ള ഡിജിറ്റൽ സൊല്യൂഷനുകൾ എന്നിവയും ജിയോയുടെ ഭാവി വികസന മേഖലകളാണ്.

English Summary: Jio Platforms IPO, Indias largest public issue, has opened for subscription aiming to raise approximately Rs 30,213 crore. The price band is set at Rs 1,065 to Rs 1,119 per share, with the subscription window closing on October 23. Strong investor interest is evident with a grey market premium of around 22 percent, indicating a potential listing price of Rs 1,364. The company is expected to list on October 28, 2026, and become Indias fourth most valuable listed entity. This IPO will also boost Reliance Groups market capitalization, potentially making it Indias most valuable conglomerate, surpassing the Tata Group. Jio Platforms Managing Director Akash Ambani stated that technology, AI, and cloud computing will drive the companys future growth beyond telecom.

Tags: Malayalam News, News Malayalam, Latest Malayalam News, Vachakam News, Jio IPO, Jio Platforms IPO, Reliance Industries, Mukesh Ambani, Stock Market India, Business News Malayalam, Indian IPO, Financial News

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്