ആയുഷ്മാൻ ഭാരത് കാർഡ്: ഇ-കെ.വൈ.സി ഫോണിലൂടെ തന്നെ പൂർത്തിയാക്കാം; അറിയേണ്ട കാര്യങ്ങൾ

AUGUST 31, 2026, 11:09 PM

ആയുഷ്മാൻ ഭാരത് ഹെൽത്ത് കാർഡ് ലഭിക്കുന്നതിന് ഓഫ്ലൈൻ അപേക്ഷ സമർപ്പിക്കുന്നതിനൊപ്പം തന്നെ ഇ-കെ.വൈ.സി പൂർത്തിയാക്കുന്നതും അത്യന്താപേക്ഷിതമാണ്. ഇ-കെ.വൈ.സി പൂർത്തിയാക്കിയാൽ മാത്രമേ കാർഡ് ഓൺലൈനായി ഡൗൺലോഡ് ചെയ്തെടുക്കാൻ സാധിക്കൂ. കഫേകൾ വഴിയോ നിങ്ങളുടെ പ്രദേശത്തെ ആശാ പ്രവർത്തകർ വഴിയോ ഇത് ചെയ്യാം.

എന്നാൽ ആശാ പ്രവർത്തകരുടെ സഹായമില്ലാതെ തന്നെ നിങ്ങളുടെ സ്മാർട്ട്‌ഫോൺ ഉപയോഗിച്ച് സ്വന്തമായും ഇ-കെ.വൈ.സി പൂർത്തിയാക്കാവുന്നതാണ്. ഇതിനായുള്ള ഘട്ടങ്ങൾ താഴെ നൽകുന്നു:

ഇ-കെ.വൈ.സി പൂർത്തിയാക്കേണ്ട വിധം:

ആപ്പ് ഡൗൺലോഡ് ചെയ്യുക: നിങ്ങളുടെ ഫോണിലെ ഗൂഗിൾ പ്ലേ സ്റ്റോറിൽ നിന്ന് 'ആയുഷ്മാൻ ഭാരത്' (Ayushman Bharat) ആപ്പ് ഡൗൺലോഡ് ചെയ്യുക.

ലോഗിൻ ചെയ്യുക: ആപ്പ് തുറന്ന ശേഷം 'Beneficiary' അല്ലെങ്കിൽ 'Operator' ഓപ്ഷൻ തിരഞ്ഞെടുത്ത് നിങ്ങളുടെ മൊബൈൽ നമ്പറും ലഭിക്കുന്ന ഒ.ടി.പിയും (OTP) കാപ്ചയും നൽകി ലോഗിൻ ചെയ്യുക.

വിവരങ്ങൾ നൽകുക: തുടർന്ന് നിങ്ങളുടെ സംസ്ഥാനം തിരഞ്ഞെടുക്കുക. ശേഷം റേഷൻ കാർഡ് നമ്പറോ ആധാർ നമ്പറോ നൽകി വിവരങ്ങൾ ഫോമിൽ ലഭ്യമാക്കുക. (തുടർനടപടികൾക്കായി മൊബൈൽ നമ്പർ ആധാറുമായി ബന്ധിപ്പിച്ചിട്ടുണ്ടെന്ന് ഉറപ്പുവരുത്തുക).