തമിഴ്നാട്ടിലെ തിരുവണ്ണാമലയിൽ പഴങ്ങൾ വിൽക്കുന്നതിനായി എത്തിയ ആന്ധ്രാ സ്വദേശിനിയായ പത്തൊൻപതുകാരിയെ രണ്ട് പൊലീസ് ഉദ്യോഗസ്ഥർ ബലാത്സംഗം ചെയ്തു.സംഭവത്തില് തിരുവണ്ണാമല ഈസ്റ്റ് പൊലീസ് സ്റ്റേഷനിലെ സുരേഷ് രാജ്, സുന്ദര് എന്നീ കോണ്സ്റ്റബിള്മാരെ അറസ്റ്റ് ചെയ്തു.ആന്ധ്രപ്രദേശ് സ്വദേശിയായ 19കാരിയെയാണ് മൂത്ത സഹോദരിയുടെ മുന്നില് വെച്ച് ഇരുവരും ബലാത്സംഗം ചെയ്തത്.
തിങ്കളാഴ്ച രാത്രി തിരുവണ്ണാമലൈയിലാണ് സംഭവം.അതിജീവിതയായ പെണ്കുട്ടിയും സഹോദരിയും പഴങ്ങൾ വിൽക്കുന്നതിനായി തിരുവണ്ണാമലയിലേക്ക് എത്തിയവർ ആയിരുന്നു. പട്രോളിങ് ഡ്യൂട്ടിയിലുണ്ടായിരുന്ന കോൺസ്റ്റബിൾമാരായ ഡി സുരേഷ് രാജ്, പി സുന്ദർ എന്നിവർ രാത്രി വൈകി വന്ന ഇവരെ തടഞ്ഞുനിർത്തുകയും ബലമായി ആളൊഴിഞ്ഞ സ്ഥലത്തേക്ക് പിടിച്ചുകൊണ്ടുപോയി ബലാത്സംഗത്തിനിരയാക്കുകയുമായിരുന്നു.ഇന്നലെ പുലര്ച്ചെ നാല് മണിയോടെ സഹോദരികളെ റോഡിനരികില് ഉപേക്ഷിച്ച് ഇരുവരും കടന്നുകളഞ്ഞു.
റോഡരികില് രണ്ട് സ്ത്രീകളെ കണ്ട അടുത്തുള്ള ഇഷ്ടിക ചൂള യൂണിറ്റിലെ തൊഴിലാളികള് ആംബുലന്സ് വിളിച്ച് വരുത്തുകയായിരുന്നു.ഇരുവരെയും തിരുവണ്ണാമലൈ സര്ക്കാര് ജനറല് ആശുപത്രിയില് പ്രവേശിപ്പിക്കുകയും പരിശോധനയില് ഒരാള് ലൈംഗിക പീഡനത്തിനിരയായതായി വ്യക്തമാകുകയുമായിരുന്നു. പിന്നാലെ ഡോക്ടര് പൊലീസിനെ വിവരം അറിയിച്ചു.തിരുവണ്ണാമലൈ വനിതാ പൊലീസ് സ്റ്റേഷനില് നിന്നും പൊലീസുദ്യോഗസ്ഥര് ആശുപത്രിയിലെത്തുകയും അതിജീവിതയുടെ മൊഴി രേഖപ്പെടുത്തുകയും ചെയ്തു. മൊഴിയുടെ അടിസ്ഥാനത്തില് ഇരു കോണ്സ്റ്റബിള്മാരെയും അറസ്റ്റ് ചെയ്യുകയായിരുന്നു. പൊലീസ് കൂടുതല് അന്വേഷണം ആരംഭിച്ചിട്ടുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20201002015953.jpg)
-20201113035654.jpg)
-20260125085114.jpg)
