മദ്യപിക്കുന്നത് ഒരു ശീലമായാല്‍ അത് നിര്‍ത്തുന്നത് വളരെ പ്രയാസമേറിയ കാര്യമാണ്. നിര്‍ത്തണം എന്ന് തോന്നിയാലും മനസ് അനുവദിക്കില്ല. കൂട്ടുകെട്ടുകളും മദ്യപാനത്തിന് ഒരു കാരണമാണ്. 

അമിത മദ്യപാനം മൂലം കുടുംബ ബന്ധം തന്നെ താളം തെറ്റും. തൊഴില്‍ മേഖലയിലും അത് വലിയ ബുദ്ധിമുട്ടുകള്‍ തന്നെ സൃഷ്ടിച്ചേക്കാം.  മദ്യം ഇനി തൊടില്ലെന്ന് ദൃഢനിശ്ചയം ചെയ്യുന്നവര്‍ പതുക്കെ പതുക്കെ അതില്‍ നിന്നും പിന്‍വലിയാനാണ് ശ്രമിക്കേണ്ടത്. ക്രമേണ പൂര്‍ണമായും മാറ്റാന്‍ കഴിയും. അത് എങ്ങനെയെന്ന് പറഞ്ഞ് തരികയാണ്  ഗ്യാസ്ട്രോഎൻട്രോളജിസ്റ്റും ഹെൽത്ത് എഡ്യൂക്കേറ്ററുമായ ഡോ. പാൽ മാണിക്കം.

ആരോഗ്യപരമായ കാരണങ്ങളാൽ മദ്യം പരിമിതപ്പെടുത്തുകയോ ഒഴിവാക്കുകയോ ചെയ്യണമെന്ന് പാൽ മാണിക്കം ഉപദേശിക്കുന്നു. ഇടയ്ക്കിടെ മദ്യപിക്കുന്നവർക്ക്, മുൻകൂട്ടി ആസൂത്രണം ചെയ്യാനും സ്വയം പരിമിതപ്പെടുത്താനും  നിർദ്ദേശിക്കുന്നു.

പരിധി നിശ്ചയിക്കുക 

കുടിക്കാനോ ബാറിൽ പ്രവേശിക്കാനോ തുടങ്ങുന്നതിനുമുമ്പ്, പെഗിന്റെ  എണ്ണം മുൻകൂട്ടി തീരുമാനിക്കുക. എത്ര പാനീയങ്ങൾ നിങ്ങൾ മുൻകൂട്ടി കഴിക്കണം എന്നതിൻ്റെ പരിധി നിശ്ചയിക്കുന്നത് അമിതമായ മദ്യപാനം ഒഴിവാക്കാൻ നിങ്ങളെ സഹായിക്കും

മദ്യപിക്കുന്നതിന്റെ ഇടയിൽ ഭക്ഷണം കഴിക്കുന്നത് തുടരുക

സീനിയർ ഫാമിലി ഫിസിഷ്യൻ ഡോ സി എച്ച് അസ്രാനി പറയുന്നത് ഒഴിഞ്ഞ വയറ്റിൽ മദ്യപിക്കുന്നത് മദ്യം രക്തത്തിലേക്ക് വേഗത്തിൽ പ്രവേശിക്കാൻ ഇടയാക്കും.അതിനാൽ മദ്യപിക്കുന്നതിനിടയ്ക്ക് ഭക്ഷണം കഴിക്കണം.

നോ എന്ന് പറയാൻ പഠിക്കുക

കുടിക്കാൻ മറ്റുള്ളവരെ നിരന്തരം സമ്മർദ്ദത്തിലാക്കുന്ന ഒരു സുഹൃത്ത് ഉണ്ടായിരിക്കുന്നത് വെല്ലുവിളിയാണ്. അത്  ഒഴിവാക്കുക, നോ എന്ന് പറയാൻ പഠിക്കുക. നിങ്ങളുടെ സുഹൃത്തുക്കൾ നിങ്ങളെ മദ്യപിക്കാൻ നിർബന്ധിക്കുകയാണെങ്കിൽ, ഇല്ല എന്ന് ആത്മാർത്ഥമായി പറയാൻ പഠിക്കണം 

പാർട്ടികൾ ഒഴിവാക്കുക

രസകരമായ പാർട്ടി ഗെയിമുകൾക്കിടയിൽ ഉപയോഗിക്കുന്ന മദ്യം അമിതമായ മദ്യപാനത്തിലേക്ക് നയിച്ചേക്കാം. അവ ഒഴിവാക്കുക, വിദഗ്ധർ ശുപാർശ ചെയ്യുന്നു.

യാഥാര്‍ഥ്യം  അംഗീകരിക്കുക

മദ്യപാനം സിറോസിസ് എന്ന മരണത്തലേക്കെത്തുന്ന അസുഖത്തിന് കാരണമാകുന്നുവെന്ന യാഥാര്‍ഥ്യവും അംഗീകരിക്കുക. സാധാരണ മരണമല്ല വര്‍ഷങ്ങളോളം രോഗബാധിതനായി കിടക്കേണ്ടിവരുന്നു. ഓര്‍മകള്‍ നശിച്ച് ഉറ്റവരെയും ഉടയവരെയും തിരിച്ചറിയാനാകാതെ വഴിയില്‍ അലഞ്ഞു തിരിയുന്ന ഒരുവസ്ഥയ്ക്കും മദ്യം കാരണമാകുന്നുവെന്ന യാഥാര്‍ഥ്യവും അംഗീകരിക്കുക.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്