ബോളിവുഡ് താരം സാനിയ മല്‍ഹോത്ര കേന്ദ്ര കഥാപാത്രമാകുന്ന ചിത്രം മിസിസ് റിലീസിന് ഒരുങ്ങുന്നു. ചിത്രം ഫെബ്രുവരി 7ന് സീ5ല്‍ സ്ട്രീമിംഗ് ആരംഭിക്കും.

ജിയോ ബേബി സംവിധാനം ചെയ്ത ഗ്രേറ്റ് ഇന്ത്യന്‍ കിച്ചണിന്റെ ഹിന്ദി റീമേക്കാണ് ചിത്രം. റിച്ച എന്ന നവ വധുവായാണ് സാനിയ സിനിമയില്‍ എത്തുന്നത്.

വിവാഹം കഴിഞ്ഞ സ്ത്രീകള്‍ ദൈനംദിന ജീവിതത്തില്‍ അനുഭവിക്കുന്ന പ്രശ്‌നങ്ങളാണ് സിനിമയില്‍ പറയുന്നത്. 'എന്റെ കഥാപാത്രത്തിന് മികച്ച പ്രതിരോധശേഷിയുണ്ട്. അവള്‍ പാത്രം കഴുകുന്നതില്‍ നിന്ന് വലിയ സ്വപ്‌നം കാണുന്നതിലേക്ക് എത്തുന്നു. സമൂഹത്തിന്റെ ചങ്ങലകള്‍ ഭേദിച്ച് സ്വയം കണ്ടെത്തുന്ന കഥാപാത്രങ്ങള്‍ ചെയ്യുക എന്ന് പറയുന്നത് വെല്ലുവിളിയും ഒരേ സമയം സന്തോഷവുമാണ്', എന്നാണ് സാനിയ തന്റെ കഥാപാത്രത്തെ കുറിച്ച് പറഞ്ഞത്.

മിസിസ് 2023 താലിന്‍ ബ്ലാക്ക് നൈറ്റ്‌സ് ഫിലിം ഫെസ്റ്റിവലില്‍ പ്രീമിയര്‍ ചെയ്തിരുന്നു. 2024 ന്യൂയോര്‍ക്ക് ഇന്ത്യന്‍ ഫിലിം ഫെസ്റ്റിവലില് ക്ലോസിംഗ് ഫിലിം ആയിരുന്നു മിസിസ്. ആരതി കദവാണ് ചിത്രം സംവിധാനം ചെയ്തിരിക്കുന്നത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്