കരാര്‍ ലംഘിച്ചു; ദൃശ്യം3 ല്‍ നിന്ന് പിന്മാറിയ അക്ഷയ് ഖന്നയ്ക്ക് വക്കീല്‍ നോട്ടീസ് അയച്ച് നിര്‍മാതാവ്

DECEMBER 27, 2025, 8:44 AM

ബോളിവുഡ് ചിത്രം ദൃശ്യം 3-ല്‍ നിന്ന് പിന്മാറിയ നടന്‍ അക്ഷയ് ഖന്നയ്ക്ക് വക്കീല്‍ നോട്ടീസ് അയച്ച് നിര്‍മാതാവ്. കരാര്‍ ലംഘിച്ചതിനാണ് വക്കീല്‍ നോട്ടീസ് അയച്ചതെന്ന് നിര്‍മാതാവ് കുമാര്‍ മംഗത് പതക് അറിയിച്ചു. ദൃശ്യം 3-ന്റെ ഭാഗമാകാനില്ലെന്ന് ടെക്സ്റ്റ് മെസേജിലൂടെയാണ് താരം അറിയിച്ചതെന്നും അദ്ദേഹം പറഞ്ഞു.

അക്ഷയ് ഖന്നയ്ക്ക് കഴിഞ്ഞ മാസം അഡ്വാന്‍സ് തുക നല്‍കിയ ശേഷമാണ് കരാറില്‍ ഒപ്പുവെച്ചതെന്നും നിര്‍മാതാവ് പറഞ്ഞു. അതേസമയം ചിത്രത്തിന്റെ ഷൂട്ടിങ് മുടങ്ങാതിരിക്കാന്‍ അക്ഷയ് ഖന്നയ്ക്ക് പകരം മറ്റൊരു അഭിനേതാവിനെ തിരഞ്ഞെടുത്തുവെന്നും കുമാര്‍ മംഗത് പതക് പറഞ്ഞു. അക്ഷയ് അവതരിപ്പിക്കേണ്ടിയിരുന്ന വേഷം ജയ്ദീപ് അഹ്ലാവതാണ് ഇനി ചെയ്യുക.