ഒടുവിൽ തീരുമാനം; 'തേരേ ഇഷ്‌ക് മേ'യിൽ ധനുഷിന്റെ നായികയായി എത്തുന്നത് കൃതി സനോൺ

JANUARY 28, 2025, 11:49 PM

മുംബൈ: തേരേ ഇഷ്‌ക് മേ എന്ന ചിത്രത്തിൽ ധനുഷിന്റെ നായികയായി എത്തുന്ന താരത്തെ കുറിച്ച് വലിയ ചർച്ചകൾ ആണ് നടന്നിരുന്നത്. എന്നാൽ ഇപ്പോൾ ആരാണ് നായികാ ആയി എത്തുന്നത് എന്ന കാര്യത്തിൽ ഇപ്പോൾ സ്ഥിരീകരണം വന്നിരിക്കുകയാണ്. കൃതി സനോൺ ആണ് ചിത്രത്തിൽ നായികയായി എത്തുന്നത്.

ചൊവ്വാഴ്ച ആണ് ചിത്രത്തിൻ്റെ നിർമ്മാതാക്കൾ കൃതി ചിത്രത്തിലെ മുക്തി എന്ന റോളിനെ അവതരിപ്പിക്കുന്ന ടീസര്‍ പുറത്തിറക്കിയത്. മുക്തി എന്ന കഥാപാത്രത്തിൻ്റെ ആഴവും തീവ്രതയും സങ്കീർണ്ണതയും വ്യക്തമാക്കുന്നതാണ് ടീസര്‍. ആനന്ദ് എല്‍ റായി ആണ് ചിത്രം സംവിധാനം ചെയ്യുന്നത്.

ആനന്ദ് എൽ റായ് സംവിധാനം ചെയ്യുന്ന ചിത്രം അദ്ദേഹത്തിന്‍റെ പ്രൊഡക്ഷന്‍ ഹൌസും ടിസീരിസിന്‍റെ ബാനറില്‍ ഭൂഷൺ കുമാറും കൃഷൻ കുമാറും ചേർന്നാണ് നിർമ്മിക്കുന്നത്. സംഗീത മാന്ത്രികൻ എ.ആർ. റഹ്മാൻ ആണ് ചിത്രത്തിന് സംഗീതം നല്‍കുന്നത്. ധനുഷിൻ്റെ തിരക്കുകള്‍ കാരണം നീണ്ടുപോയ തേരേ ഇഷ്ക് മേ 2025-ൽ തിയേറ്റർ റിലീസ് ലക്ഷ്യമിടുകയാണ്.