സുരേഷ് ഗോപി വീണ്ടും വക്കീല്‍ കുപ്പായത്തില്‍; ജെ.എസ്.കെ അപ്‌ഡേറ്റ്

MAY 27, 2025, 9:37 PM

സുരേഷ് ഗോപി നായകനായി എത്തുന്ന ഏറ്റവും പുതിയ ചിത്രമാണ് ജെ.എസ്.കെ. ചിത്രത്തിന്റെ പുത്തന്‍ അപ്‌ഡേറ്റ് എത്തി. ജെ.എസ്.കെയുടെ ഒഫീഷ്യല്‍ മോഷന്‍ പോസ്റ്റര്‍ ഉടൻ റിലീസ് ചെയ്യും എന്നാണ് സുരേഷ് ഗോപി അറിയിച്ചിരിക്കുന്നത്. ഇന്ന് വൈകുന്നേരം ആറ് മണിക്ക് അപ്‌ഡേറ്റ് പുറത്തുവരും.

പ്രവീണ്‍ നാരായണന്‍ സംവിധാനം ചെയ്യുന്ന ചിത്രമാണ് ജെ.എസ്.കെ. സിനിമയുടെതായി നേരത്തെ റിലീസ് ചെയ്ത ടീസര്‍ ഏറെ ശ്രദ്ധനേടിയിരുന്നു. ജെ എസ് കെ ഉടന്‍ തിയറ്ററുകളില്‍ എത്തും.

ഒരു ഇടവേളയ്ക്ക് ശേഷം സുരേഷ് ഗോപി വക്കീല്‍ വേഷത്തില്‍ എത്തുന്ന ചിത്രം കൂടിയാണ് ‘ജെ.എസ്.കെ’. കോര്‍ട് റൂം ഡ്രാമ വിഭാഗത്തില്‍പെടുന്നതാണ് ചിത്രം.

സുരേഷ് ഗോപിയുടെ മകന്‍ മാധവ് അഭിനയിക്കുന്ന ചിത്രം എന്ന പ്രത്യേകതയും ‘ജെഎസ്‌കെ’യ്ക്കുണ്ട്. മാധവ് സുരേഷ് ചിത്രത്തില്‍ അഭിനയിക്കുന്നതിനു മുന്നോടിയായി മമ്മുട്ടിയുടെ അനുഗ്രഹം തേടി എത്തിയത് ഏറെ ശ്രദ്ധനേടിയിരുന്നു.

രെണദിവ് ആണ് ചത്രത്തിന്റെ ഛായാഗ്രാഹണം നിര്‍വഹിക്കുന്നത്. ശ്രുതി രാമചന്ദ്രന്‍, അസ്‌കര്‍ അലി, മുരളി ഗോപി എന്നിവരും ചിത്രത്തില്‍ വേഷമിടുന്നു.