എഡ്യുടെക് കമ്പനിയായ ബൈജൂസ് 2022 സാമ്പത്തിക വര്‍ഷത്തിന്റെ ഓഡിറ്റ് ചെയ്ത സാമ്പത്തിക ഫലങ്ങള്‍ പ്രഖ്യാപിച്ചു. പ്രവര്‍ത്തന വരുമാനം 5,014 കോടി രൂപയായി ആണ് രേഖപ്പെടുത്തിയിരിക്കുന്നത്. അതേസമയം നഷ്ടം 2022 ല്‍ 8,370 കോടി രൂപയായി ഉയര്‍ന്നിട്ടുണ്ട്. 

അതേസമയം കമ്പനിയുടെ മൊത്ത വരുമാനം 2021 സാമ്പത്തിക വര്‍ഷത്തിലെ 2,428.3 കോടി രൂപയില്‍ നിന്ന് 2022 സാമ്പത്തിക വര്‍ഷത്തില്‍ ഏതാണ്ട് 5,298.4 കോടി രൂപയായി. 2022 സാമ്പത്തിക വര്‍ഷത്തില്‍ ഏകദേശം 119 ശതമാനം വര്‍ധന ആണ് രേഖപ്പെടുത്തിയത്. അതേസമയം നഷ്ടം കഴിഞ്ഞ സാമ്പത്തിക വര്‍ഷത്തേക്കാള്‍ 80 ശതമാനം വര്‍ധിച്ചു എന്നും റിപ്പോർട്ടുകൾ വ്യക്തമാക്കുന്നു.

2022 സാമ്പത്തിക വര്‍ഷത്തില്‍ ഞങ്ങള്‍ കണ്ട വളര്‍ച്ചയ്ക്ക് ഞങ്ങളുടെ വിദ്യാര്‍ത്ഥികള്‍ക്ക് നന്ദി പറയാന്‍ ഞങ്ങള്‍ ആഗ്രഹിക്കുന്നു. ഞങ്ങളുടെ വരിക്കാരുടെ അടിത്തറ 2021 സാമ്പത്തിക വര്‍ഷത്തില്‍ നിന്ന് 125 ശതമാനം വര്‍ധിച്ചു. മൊത്ത വരുമാനം 2.2 മടങ്ങ് വര്‍ധിച്ചതില്‍ കമ്പനി സന്തുഷ്ടരാണെങ്കിലും, 45 ശതമാനം നഷ്ടത്തിലേക്ക് സംഭാവന ചെയ്യുന്ന വൈറ്റ്ഹാറ്റ് ജൂനിയര്‍, ഒഎസ്‌എംഒ പോലുള്ള മോശം ബിസിനസ്സുകളെക്കുറിച്ചും ബോധവാന്മാരാണെന്ന് ബൈജൂസിന്റെ ചീഫ് ഫിനാന്‍ഷ്യല്‍ ഓഫീസര്‍ നിതിന്‍ ഗോലാനി പ്രസ്താവനയില്‍ പറഞ്ഞു.

അതേസമയം തങ്ങളുടെ പ്രവര്‍ത്തന സാമ്പത്തിക സ്ഥിതി മെച്ചപ്പെടുത്തുന്നതിന് വിവിധ നടപടികള്‍ സ്വീകരിച്ചിട്ടുണ്ടെന്ന് കമ്പനി അറിയിച്ചു. തുടര്‍ന്നുള്ള വര്‍ഷങ്ങളില്‍ നഷ്ടം കുറയ്ക്കാന്‍ ഈ ബിസിനസുകള്‍ ഗണ്യമായി കുറയ്ക്കുകയും മറ്റ് ബിസിനസുകള്‍ വളര്‍ച്ച തുടരുകയും ചെയ്യുമെന്ന് ഗോലാനി വ്യക്തമാക്കി.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്