ഉടച്ചുവാര്‍ക്കലിന് സാക്ഷ്യം വഹിക്കാന്‍ വൈറ്റ് ഹൗസ്; ആദ്യ എക്‌സിക്യൂട്ടീവ് ഉത്തരവുകളില്‍ ഒപ്പുവെച്ച് ട്രംപ്

JANUARY 20, 2025, 10:06 PM

വാഷിംഗ്ടണ്‍: ആദ്യ എക്‌സിക്യൂട്ടീവ് ഉത്തരവുകളില്‍ ഒപ്പുവച്ചുകൊണ്ടാണ് യുഎസ് പ്രസിഡന്റ് ഡൊണാള്‍ഡ് ട്രംപ് വൈറ്റ് ഹൗസില്‍ തന്റെ രണ്ടാം ഘട്ടം ആരംഭിച്ചിരിക്കുകയാണ്. പാരീസ് കാലാവസ്ഥാ ഉടമ്പടിയില്‍ നിന്ന് യു.എസിന്റെ പിന്‍വാങ്ങലും സര്‍ക്കാര്‍ നിയമനങ്ങള്‍ ഉടനടി മരവിപ്പിക്കലും അടക്കം 78 ബൈഡന്‍ കാലഘട്ടത്തിലെ നടപടികള്‍ അസാധുവാക്കല്‍ എന്നിവയുള്‍പ്പെടെയുള്ളവയാണ് തന്റെ ആദ്യ എക്‌സിക്യൂട്ടീവ് ഉത്തരവുകളില്‍ ട്രംപ് ഉള്‍പ്പെടുത്തിയിരിക്കുന്നത്.

യു.എസിന്റെ 47-ാമത് പ്രസിഡന്റായി സത്യപ്രതിജ്ഞ ചെയ്ത് മണിക്കൂറുകള്‍ക്ക് ശേഷം, വാഷിംഗ്ടണ്‍ ഡിസിയിലെ ക്യാപിറ്റല്‍ വണ്‍ അരീനയ്ക്കുള്ളില്‍ തന്റെ അനുയായികള്‍ക്ക് മുന്നില്‍ ട്രംപ് വച്ച് തിങ്കളാഴ്ച തന്നെ അദ്ദേഹം ഉത്തരവില്‍ ഒപ്പുവച്ചിരുന്നു.

ആകെ എട്ട് എക്‌സിക്യൂട്ടീവ് ഉത്തരവുകളാണ് ഉണ്ടായിരുന്നത്. അതില്‍ സംസാര സ്വാതന്ത്ര്യം പുനസ്ഥാപിക്കുക, അഭിപ്രായ സ്വാതന്ത്ര്യത്തിന്റെ സെന്‍സര്‍ഷിപ്പ് തടയുക, മുന്‍ ഭരണകൂടത്തിന്റെ രാഷ്ട്രീയ എതിരാളികള്‍ക്കെതിരായ സര്‍ക്കാരിന്റെ ആയുധവല്‍ക്കരണം അവസാനിപ്പിക്കുക എന്ന പ്രത്യേക നടപടിയും ഇതില്‍ ഉള്‍പ്പെടുന്നു.

തങ്ങള്‍ എക്സിക്യൂട്ടീവ് ഉത്തരവുകളില്‍ ഒപ്പിടാന്‍ പോകുന്നു. ആദ്യം, ചരിത്രത്തിലെ ഏറ്റവും മോശം ഭരണകൂടങ്ങളിലൊന്നായ മുന്‍ ഭരണകൂടത്തിന്റെ 80 വിനാശകരവും സമൂലമായ എക്സിക്യൂട്ടീവ് നടപടികളും താന്‍ പിന്‍വലിക്കുമെന്ന് ട്രംപ് വ്യക്തമാക്കി.

ട്രംപ് ഒപ്പുവെച്ച എട്ട് എക്‌സിക്യൂട്ടീവ് ഉത്തരവുകള്‍:

1. ബൈഡന്‍ കാലഘട്ടത്തിലെ 78 എക്‌സിക്യൂട്ടീവ് പ്രവര്‍ത്തനങ്ങള്‍ നിര്‍ത്തുന്നു

2. ട്രംപ് ഭരണകൂടത്തിന് ഗവണ്‍മെന്റിന്റെ പൂര്‍ണ്ണ നിയന്ത്രണം ലഭിക്കുന്നതുവരെ ബ്യൂറോക്രാറ്റുകള്‍ നിയന്ത്രണങ്ങള്‍ പുറപ്പെടുവിക്കുന്നതില്‍ നിന്ന് തടയുന്ന ഒരു റെഗുലേറ്ററി മരവിപ്പിക്കല്‍

3. സൈന്യവും മറ്റ് ചില അത്യാവശ്യ മേഖലകളും ഒഴികെയുള്ള എല്ലാ ഫെഡറല്‍ നിയമനങ്ങളും മരവിപ്പിക്കുക

4. ഫെഡറല്‍ തൊഴിലാളികള്‍ മുഴുവന്‍ സമയ ഇന്‍-പേഴ്സണ്‍ ജോലിയിലേക്ക് മടങ്ങാനുള്ള ഒരു ആവശ്യകത

5. ജീവിതച്ചെലവ് പ്രതിസന്ധി പരിഹരിക്കാന്‍ എല്ലാ വകുപ്പുകള്‍ക്കും ഏജന്‍സികള്‍ക്കും ഒരു നിര്‍ദ്ദേശം

6. പാരീസ് കാലാവസ്ഥാ ഉടമ്പടിയില്‍ നിന്ന് പിന്‍വാങ്ങല്‍

7. അഭിപ്രായസ്വാതന്ത്ര്യം പുനസ്ഥാപിക്കുകയും അഭിപ്രായ സ്വാതന്ത്ര്യത്തിന്റെ സെന്‍സര്‍ഷിപ്പ് തടയുകയും ചെയ്യുന്ന സര്‍ക്കാര്‍ ഉത്തരവ്

8. 'മുന്‍ ഭരണകൂടത്തിന്റെ രാഷ്ട്രീയ എതിരാളികള്‍ക്കെതിരായ സര്‍ക്കാരിന്റെ ആയുധവല്‍ക്കരണം' അവസാനിപ്പിക്കുക