റ്റാമ്പാ: കേരള ഹിന്ദുസ് ഓഫ് നോർത്ത് അമേരിക്കയുടെ റീജിയണൽ കൺവെൻഷന് ഫെബ്രുവരി 22 ശനിയാഴ്ച രാവിലെ 11 മണി മുതൽ ഫ്‌ളോറിഡ റ്റാമ്പായിലെ സീറോ മലബാർ ഹാളിൽ വച്ച് നടക്കും. ഫ്‌ളോറിഡയിലും അറ്റ്‌ലാന്റയിലുമുള്ള എല്ലാ സംഘടനകളുടെയും സഹകരണത്തോടു കൂടിയുള്ള അതിവിപുലമായ പരിപാടികളാണ് ആസൂത്രണം ചെയ്തുകൊണ്ടിരിക്കുന്നത്.

കലാപരിപാടികളിൽ ഫ്‌ളോറിഡയിൽ നിന്നുള്ള 150 പരം കലാകാരന്മാരാണ് പങ്കെടുക്കുന്നത്. പുരാണങ്ങളെ അടിസ്ഥാനമാക്കിയുള്ള നൃത്താവിഷ്‌കരണങ്ങളും കുട്ടികൾക്ക് വേണ്ടിയുള്ള ഡിബേറ്റുകളും എടുത്തുപറയേണ്ട പരിപാടികളാണ്. 2014 ലാണ് ഫ്‌ളോറിഡയിലെ ആദ്യത്തെ റീജിയണൽ കൺവെൻഷൻ റ്റാമ്പായിൽ സംഘടിപ്പിക്കുന്നത്, അതിനു ശേഷം ഇപ്പോളാണ് വീണ്ടും റ്റാമ്പായിലേക്ക് മറ്റൊരു റീജിയണൽ കൺവെൻഷൻ നടക്കുന്നത്.

പരിപാടിയിലേക്കുള്ള പ്രവേശനം പൂർണമായും സൗജന്യമാണ്. എല്ലാവരും ഫാമിലിയായി പങ്കെടുക്കണമെന്ന് ഭാരവാഹികൾ അറിയിച്ചു. എല്ലാവരും പരസ്പരം പരിചയപ്പെടുവാനുള്ള അവസരങ്ങൾ പരിപാടിയിൽ ഉൾപ്പെടുത്തുന്നതാണ്.

കലാപരിപാടികൾ നടത്തുവാൻ ആഗ്രഹിക്കുന്നവർ നോട്ടീസിൽ കാണുന്ന ഭാരവാഹികളെ ജനുവരി 31 ന് മുൻപായി  അറിയിക്കുക. അഞ്ചിൽ കുറയാത്ത ആളുകളുള്ള ഗ്രൂപ്പ്  പരിപാടി മാത്രമേ അന്നത്തെ ദിവസം അനുവദിക്കുന്നുള്ളൂ.

കെ.എച്ച്.എൻ.എ ഫ്‌ളോറിഡ സ്റ്റേറ്റ് കൺവീനർസ് സുനിത മേനോൻ, വിനോദ് നായർ എന്നിവരാണ്. റീജണൽ വൈസ് പ്രസിഡന്റന്മാരായി ദീപക് സുകുമാരൻ, സുരേഷ് പള്ളിക്കുത്ത് ഗോപൻ നായർ, സ്മിത നോബിൾ തുടങ്ങിയവർ പ്രവർത്തിക്കുന്നു.

Venue :  5501 Williams Rd, Seffner (Tampa), FL 33584

Date and Time : February 22nd , 2025 11am onwards

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്