മാർത്തോമ്മാ സഭയുടെ നോർത്ത് അമേരിക്കൻ ഭദ്രാസന ഫാമിലി കോൺഫറൻസ് കമ്മിറ്റിയിൽ നിന്നുള്ള ഓരോ സംഘങ്ങൾ ജനുവരി  26ന് ഫിലാഡൽഫിയ മാർത്തോമ്മാ, അസെൻഷൻ  മാർത്തോമ്മാ എന്നീ ഇടവകകൾ സന്ദർശിച്ചു.

ഇടവക വികാരിമാരായ റവ. ബിജു പി. സൈമൺ, റവ. ജോജി എം. ജോർജ് എന്നിവർ സന്ദർശകരെ അതാത് ഇടവകകളിലേക്ക് സ്വാഗതം ചെയ്തു.

കോൺഫ്രൻസിന്റെ സ്ഥലം, തിയതി, പ്രസംഗകർ, കോൺഫ്രൻസ് തീം, സുവനീറിന്റെ വിശദാംശങ്ങൾ, ആദ്യമായി ഉൾപ്പെടുത്തിയിട്ടുള്ള സ്‌പോൺസർഷിപ്പ് പാക്കേജ്, അതിലെ ആകർഷണീയമായ അവസരങ്ങൾ എന്നിവ യഥാക്രമം കോൺഫ്രൻസ് ട്രഷറർ കുര്യൻ തോമസ്, ജനറൽ കൺവീനർ തോമസ് ജേക്കബ് എന്നിവരും ഫാമിലി കോൺഫ്രൻസിൽ ഇദംപ്രഥമമായി ക്രമീകരിക്കുന്ന ഇംഗ്ലീഷ് ട്രാക്കിനെപ്പറ്റി ഇംഗ്ലീഷ് ട്രാക് കൺവീനർ ഡോ. ബെറ്റ്‌സി മാത്യുവും, രജിസ്‌ട്രേഷൻ കൺവീനർ  ശാമുവേൽ കെ. ശാമുവേലും പ്രസ്താവന നടത്തി. അന്തിമ തിയതിക്കായി കാത്തിരിക്കാതെ എല്ലാവരും രജിസ്റ്റർ ചെയ്യാൻ പ്രോത്സാഹിപ്പിക്കുകയും ന്യൂയോർക്കിലേക്ക് എല്ലാവരെയും സ്വാഗതവും ചെയ്തു.

ശാമുവേൽ കെ. ശാമുവേൽ, കുര്യൻ തോമസ്, ബെജി ടി. ജോസഫ്, ജിബി പി. മാത്യു, വറുഗീസ് പി. വറുഗീസ് (സഭാ കൗൺസിലംഗം), ചെറിയാൻ വർഗീസ്, ഏബ്രഹാം തരിയത് എന്നിവർ ഫിലാഡൽഫിയ മാർത്തോമ്മ ഇടവകയിലും, തോമസ് ജേക്കബ് (ഷാജി), സി.വി. സൈമൺകുട്ടി, ഡോ. ബെറ്റ്‌സി മാത്യു, ബിജു ചാക്കോ, തോമസ് മാത്യു, സജി തോമസ്, സന്തോഷ് ഏബ്രഹാം (സഭാ കൗൺസിലംഗം) എന്നിവർ അസെൻഷൻ മാർത്തോമ്മാ ഇടവകയിലുമുള്ള കോൺഫ്രൻസ് സന്ദർശക ടീമിലുണ്ടായിരുന്നു.

ഇടവകകൾ നൽകിയ മികച്ച പിന്തുണക്ക് ഇടവക വികാരിമാരോടും ഇടവകാംഗങ്ങളോടും കോൺഫറൻസ് ടീം നിസ്സീമമായ കടപ്പാട് അറിയിച്ചു.

ജീമോൻ റാന്നി

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്