ഷിക്കാഗോ എക്യുമെനിക്കൽ കൗൺസിലിന്റെ ആഭിമുഖ്യത്തിൽ നടത്തപ്പെടുന്ന ബാസ്‌ക്കറ്റ്‌ബോൾ ടൂർണമെന്റ് Ackerman Sports & Fitness Centre, Glen Ellynൽ നവംബർ 23 ശനിയാഴ്ച ഉച്ചയ്ക്ക് 12.30ന് ആരംഭിക്കും. ഷിക്കാഗോയിലെ വിവിധ ക്രൈസ്തവ ഇടവകകളെ പ്രതിനിധീകരിച്ച് 11 ടീമുകൾ പങ്കെടുക്കും.

എക്യുമെനിക്കൽ കൗൺസിലിന്റെ യൂത്ത് എൻറിച്ച്‌മെന്റ് പ്രോജക്ടിന്റെ ഭാഗമായി നടത്തപ്പെടുന്ന ഈ ടൂർണമെന്റ് മത്സരാർത്ഥികളിലും കാണികളിലും ആവേശം ജനിപ്പിക്കും എന്നതിൽ സംശയമില്ല. വിജയികളാകുന്ന ടീമുകൾക്ക് എവർറോളിംഗ് ട്രോഫികൾ, ക്യാഷ് അവാർഡുകൾ, വ്യക്തിഗത ട്രോഫികൾ എന്നിവയും സമ്മാനിക്കും.

ടൂർണമെന്റിന്റെ വിജയകരമായ നടത്തിപ്പിന് റവ. ജയ്‌സൺ തോമസ് (ചെയർമാൻ), റോഡ്‌നി സൈമൺ (കൺവീനർ) എന്നിവരുടെ നേതൃത്വത്തിൽ കാര്യക്ഷമമായ ഒരു സബ്കമ്മിറ്റി പ്രവർത്തിച്ചുവരുന്നു.

Veecli ഗ്യാസ് സ്റ്റേഷൻ സോഫ്റ്റ്‌വെയർ, കലവറ ഗ്രോസറീസ് എന്നിവരാണ് ഈ ഉദ്യമത്തിന്റെ ഗ്രാന്റ് സ്‌പോൺസർമാർ. വെരി. റവ. സഖറിയ തേലാപ്പിള്ളിൽ കോർ എപ്പിസ്‌കോപ്പ (പ്രസിഡന്റ്), റവ. ജോ. വർഗീസ് മലയിൽ (വൈസ് പ്രസിഡന്റ്), പ്രേംജിത് വില്യം (സെക്രട്ടറി), ജേക്കബ് കെ. ജോർജ് (ട്രഷറർ), ബീന ജോർജ് (ജോ. സെക്രട്ടറി), വർഗീസ് പാലമലയിൽ (ജോ. ട്രഷറർ) എന്നീ എക്‌സിക്യൂട്ടീവ് കമ്മിറ്റി അംഗങ്ങൾ എക്യുമെനിക്കൽ കൗൺസിലിന് നേതൃത്വം നൽകുന്നു.

ഷിക്കാഗോയിലെ എല്ലാ കായികപ്രേമികളുടെയും ആത്മാർത്ഥമായ സഹകരണം പ്രതീക്ഷിക്കുന്നു. ഈ ടൂർണമെന്റ് പ്രോത്സാഹിപ്പിച്ച് വിജയിപ്പിക്കുന്നതിന് ഭാരവാഹികൾ സ്‌നേഹത്തോടെ ഏവരെയും സ്വാഗതം ചെയ്യുന്നു.

കൂടുതൽ വിവരങ്ങൾക്ക്: റവ. ജയ്‌സൺ തോമസ് (832-841-0322), റോസ്‌നി സൈമൺ (630-730-8218), പ്രേംജിത് വില്യം (847-962-1893)

കാർമൽ തോമസ്

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്