ഡാളസ്: ടെക്‌സാസിലെ ഡാളസ് ലവ് ഫീൽഡ് എയർപോർട്ടിൽ നിന്ന് 99 യാത്രക്കാരുമായി പറന്നുയരാൻ തയ്യാറെടുക്കുന്നതിനിടെ  സൗത്ത് വെസ്റ്റ് എയർലൈൻസ് വിമാനത്തിന് നേരെ വെടിവയ്പുണ്ടായതായി അധികൃതർ അറിയിച്ചു.

ഫ്‌ളൈറ്റ് 2494 ഇൻഡ്യാനപൊളിസിലേക്ക് പുറപ്പെടാൻ തയ്യാറെടുക്കുമ്പോൾ 'ഫ്‌ളൈറ്റ് ഡെക്കിന് താഴെ ഒരു ബുള്ളറ്റ് വിമാനത്തിന്റെ വലതുവശത്ത് തട്ടി', സൗത്ത് വെസ്റ്റ് വക്താവ്  അറിയിച്ചു. പരിക്കുകളൊന്നും റിപ്പോർട്ട് ചെയ്തിട്ടില്ല, വിമാനം അതിന്റെ ഗേറ്റിലേക്ക് മടങ്ങി, യാത്രക്കാർ ഇറങ്ങിയതായി എയർപോർട്ട് വക്താവ് പറഞ്ഞു.

ബോയിംഗ് 737800 മാക്‌സ് വിമാനത്തിന്റെ കോക്ക്പിറ്റിന് സമീപമാണ് ബുള്ളറ്റ് പതിച്ചതെന്ന് ഫെഡറൽ ഏവിയേഷൻ അഡ്മിനിസ്‌ട്രേഷൻ പ്രസ്താവനയിൽ പറഞ്ഞു.

ഈ ആഴ്ച ആദ്യം, ഹെയ്തിയുടെ തലസ്ഥാനമായ പോർട്ട്ഓപ്രിൻസിലെ പ്രധാന വിമാനത്താവളത്തിൽ നിന്ന് ലാൻഡിംഗ് ചെയ്യുകയോ ടേക്ക് ഓഫ് ചെയ്യുകയോ ചെയ്ത മൂന്ന് വിമാനങ്ങൾക്ക് നേരെ വെടിവയ്പ്പുണ്ടായി.

ഈ സംഭവങ്ങൾ ഹെയ്തിയിലേക്ക് പറക്കുന്ന യുഎസ് എയർലൈനുകൾക്ക് 30 ദിവസത്തെ വിലക്ക് പുറപ്പെടുവിക്കാൻ ഫെഡറൽ ഏവിയേഷൻ അഡ്മിനിസ്‌ട്രേഷനെ പ്രേരിപ്പിച്ചു.

വെള്ളിയാഴ്ച രാത്രി നടന്ന സംഭവൽ ഡാലസ് പോലീസാണ് ഇപ്പോൾ അന്വേഷണത്തിന് നേതൃത്വം നൽകുന്നത്.

പി പി ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്