ജനപ്രിയ മെസേജിംഗ് പ്ലാറ്റ്‌ഫോമായ വാട്ട്‌സ്ആപ്പ് വളരെക്കാലമായി ഉപയോക്താക്കൾക്ക് പേയ്‌മെന്റ് ഓപ്ഷനുകൾ വാഗ്ദാനം ചെയ്തുവരുന്നു. ഇതിനായി യുപിഐ ഉപയോഗിക്കാം. ഇപ്പോൾ, പുതിയ റിപ്പോർട്ടുകൾ സൂചിപ്പിക്കുന്നത് യുപിഐ ലൈറ്റ് ഫീച്ചർ ഉടൻ തന്നെ ആപ്പിൽ ചേർക്കുമെന്നാണ്. ഇത് ഉപയോക്താക്കൾക്ക് വേഗത്തിലും എളുപ്പത്തിലും പേയ്‌മെന്റുകൾ നടത്താനുള്ള ഓപ്ഷൻ നൽകും.

വാട്ട്‌സ്ആപ്പ് ഈ പുതിയ ഫീച്ചർ അതിന്റെ പേയ്‌മെന്റ് സിസ്റ്റത്തിൽ ചേർക്കാനുള്ള ശ്രമങ്ങൾ ആരംഭിച്ചിട്ടുണ്ടെന്ന് റിപ്പോർട്ടുകൾ സൂചിപ്പിക്കുന്നു. വാട്ട്‌സ്ആപ്പ് യുപിഐ ലൈറ്റ് പരീക്ഷിച്ചു കൊണ്ടിരിക്കുകയാണെന്നും ചെറുതും ഇടയ്ക്കിടെയുള്ളതുമായ ഇടപാടുകൾ വേഗത്തിലും സൗകര്യപ്രദമായും നടത്തുന്നതിനായി രൂപകൽപ്പന ചെയ്‌തിരിക്കുന്ന ഒരു ഫീച്ചറാണിതെന്നും വിവിധ റിപ്പോർട്ടുകൾ പറയുന്നു. 

ഗൂഗിൾ പേ, ഫോൺപേ, പേടിഎം പോലുള്ള പേയ്‌മെന്റ് ആപ്പുകളുമായി മത്സരിക്കാൻ വാട്ട്‌സ്ആപ്പിനെ ഈ നീക്കം സഹായിക്കും. ഡിജിറ്റൽ പേയ്‌മെന്റുകൾ വ്യാപകമായി ഉപയോഗിക്കുന്ന ഇന്ത്യ പോലുള്ള വിപണികളിൽ വാട്ട്‌സ്ആപ്പിന് ഇത് പ്രത്യേകിച്ചും ഗുണം ചെയ്യും.

ഇന്ത്യയിൽ വാട്‌സ്ആപ്പ് ഇതിനകം തന്നെ യുപിഐ പേയ്‌മെന്‍റുകളെ പിന്തുണയ്ക്കുന്നുണ്ട്. എന്നാൽ യുപിഐ ലൈറ്റ് കൂടി ചേർക്കുന്നത് കൂടുതൽ ഉപഭോക്താക്കളെ ആകർഷിക്കും.

യുപിഐ ലൈറ്റിന് പുറമേ, വാട്‌സ്ആപ്പ് അതിന്‍റെ പ്ലാറ്റ്‌ഫോമിൽ ബിൽ പേയ്‌മെന്‍റ് ഓപ്ഷനുകൾ അവതരിപ്പിക്കുന്നതിൽ ശ്രദ്ധ കേന്ദ്രീകരിക്കുന്നുണ്ടെന്നും വിവിധ റിപ്പോർട്ടുകൾ പറയുന്നു. ഇത് ആപ്പിനുള്ളിൽ തന്നെ യൂട്ടിലിറ്റി ബില്ലുകൾ അടയ്ക്കുന്നതും മൊബൈൽ പ്ലാനുകൾ റീചാർജ് ചെയ്യുന്നതും മറ്റും സാധ്യമാക്കും.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്