ഏത് ആകൃതിയിലേക്കും മാറ്റാവുന്ന ബാറ്ററി വികസിപ്പിച്ച് ശാസ്ത്രജ്ഞര്‍. സ്വീഡനിലെ ശാസ്ത്രജ്ഞരാണ്   ഈ  ബാറ്ററി വികസിപ്പിച്ചെടുത്തത്.

അടുത്ത തലമുറയിലെ ഗാഡ്‌ജെറ്റുകൾ, മെഡിക്കൽ ഉപകരണങ്ങൾ, റോബോട്ടുകൾ എന്നിവയിൽ വിപ്ലവം സൃഷ്ടിക്കാൻ കഴിയുന്ന ഒരു വഴിത്തിരിവായി ഈ കണ്ടെത്തലിനെ വിശേഷിപ്പിച്ചിട്ടുണ്ട്. 

വലിച്ചുനീട്ടാവുന്ന ബാറ്ററികൾ വികസിപ്പിക്കുന്നതിനുള്ള ശ്രമങ്ങൾ മുമ്പും നടന്നിട്ടുണ്ട്. ഇത് അതിൽ നിന്ന് വ്യത്യസ്തമാണ്. ടൂത്ത് പേസ്റ്റ് പോലെ തോന്നിക്കുമിത്‌.

ഒരു ത്രീ ഡി പ്രിന്റര്‍ ഉപയോഗിച്ച് നിങ്ങള്‍ക്ക് ഇഷ്ടമുള്ള രൂപത്തിലേക്ക് അതിനെ മാറ്റാം. ഗവേഷകര്‍ വികസിപ്പിച്ച ബാറ്ററിയുടെ പ്രോട്ടോടൈപ്പ് 500 തവണയിലേറെ ചാര്‍ജ് ചെയ്തും ഡിസ്ചാര്‍ജ് ചെയ്തും പരീക്ഷണം നടത്തിയിരുന്നു.

നിലവിലുള്ളതിന്റെ ഇരട്ടി വലിപ്പത്തിലേക്ക് ഇത് നീട്ടാൻ കഴിയും. നിലവിലെ അവസ്ഥയിൽ, ഈ ബാറ്ററി വ്യാവസായിക ആവശ്യങ്ങൾക്ക് ഉപയോഗിക്കാൻ കഴിയില്ല. 

കാരണം, ഇതിന് ഒരു വോൾട്ട് മാത്രമേ സംഭരിക്കാൻ കഴിയൂ. ഒരു സാധാരണ കാർ ബാറ്ററിക്ക് സംഭരിക്കാൻ കഴിയുന്നതിന്റെ എട്ട് ശതമാനം മാത്രമാണിത്. അതിനാൽ  പിന്നീട് അതിന്റെ ശേഷി വർദ്ധിപ്പിക്കാൻ കഴിയുമെന്ന് ശാസ്ത്രജ്ഞർ അവകാശപ്പെടുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്