ലോക ഗുസ്തി ചാമ്പ്യൻഷിപ്പിൽ ചരിത്രം രചിച്ച് ഇന്ത്യൻ താരം മനീഷ ഭൻവാല. കസാഖ്സ്ഥാനിലെ അസ്താനയിൽ നടന്ന 59 കിലോഗ്രാം ഫ്രീസ്‌റ്റൈൽ ഫൈനലിൽ പോ പാൻ അമേരിക്കൻ ചാമ്പ്യനായ അമേരിക്കൻ താരം അബിഗെയ്ൽ നെറ്റെയെ 8-6 ന് കീഴടക്കിയാണ് മനീഷ ലോക ചാമ്പ്യനായത്.
ഇതോടെ ലോക ഗുസ്തി ചാമ്പ്യൻഷിപ്പിൽ സ്വർണ്ണം നേടുന്ന ചരിത്രത്തിലെ ആദ്യ ഇന്ത്യൻ വനിതാ താരമെന്ന അപൂർവ്വ നേട്ടം 29കാരിയായ മനീഷ സ്വന്തമാക്കി.
ഫൈനൽ പോരാട്ടത്തിൽ ആദ്യ പകുതിയിൽ 0-6 ന് പിന്നിലായിരുന്ന മനീഷ, രണ്ടാം പകുതിയിൽ നടത്തിയത് അവിശ്വസനീയമായ തിരിച്ചുവരവായിരുന്നു. തന്ത്രപരമായ ടാക്ക്ഡൗണുകളിലൂടെയും കൗണ്ടർ അറ്റാക്കുകളിലൂടെയും തുടർച്ചയായി പോയിന്റുകൾ വാരിക്കൂട്ടിയ മനീഷ മത്സരം 8-6 ന് തിരിച്ചുപിടിച്ച് സ്വർണ്ണമണിഞ്ഞു.
2010ൽ സുശീൽ കുമാർ സ്വർണ്ണം നേടിയ ശേഷം കഴിഞ്ഞ 16 വർഷത്തിനിടെ ലോക ഗുസ്തി ചാമ്പ്യൻഷിപ്പിൽ ഇന്ത്യക്കായി സ്വർണ്ണം നേടുന്ന ആദ്യ താരം കൂടിയാണ് മനീഷ.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
