ജർമ്മനിയിൽ നടന്ന ഹൈലോ ഓപ്പൺ ബാഡ്മിന്റൺ ടൂർണമെന്റിൽ ഇന്ത്യക്ക് ഇരട്ടക്കിരീട നേട്ടം. പുരുഷ സിംഗിൾസിൽ ഇന്ത്യയുടെ ലക്ഷ്യ സെന്നും വനിതാ സിംഗിൾസിൽ പി.വി.സിന്ധുവും ചാമ്പ്യന്മാരായി. ഫൈനൽ പോരാട്ടത്തിൽ ഇരുതാരങ്ങളും നേരിട്ടുള്ള ഗെയിമുകൾക്കാണ് എതിരാളികളെ കീഴടക്കിയത്. വാശിയേറിയ പുരുഷ ഫൈനലിൽ ഇന്തോനേഷ്യയുടെ ലോക ആറാം നമ്പർ താരം ജോനാഥൻ ക്രിസ്റ്റിയെ 21-17, 21-10 എന്ന സ്‌കോറിനാണ് ലക്ഷ്യ സെൻ തകർത്തത്.
ഈ വിജയത്തോടെ ക്രിസ്റ്റിക്കെതിരെയുള്ള നേർക്കുനേർ പോരാട്ടങ്ങളിൽ 4-4 എന്ന നിലയിൽ റെക്കോർഡ് സമനിലയിലാക്കാനും ലക്ഷ്യക്കായി. ഒരു വർഷത്തെ കിരീടവരൾച്ചയ്ക്ക് ശേഷമാണ് ലക്ഷ്യ സെൻ വീണ്ടും ട്രോഫി ഉയർത്തുന്നത്. 2025 നവംബറിലെ ഓസ്‌ട്രേലിയൻ ഓപ്പൺ വിജയത്തിന് ശേഷം പരിക്കും ഫോം ഇല്ലായ്മയും അലട്ടിയിരുന്ന താരത്തിന് ഈ വിജയം വലിയ ആത്മവിശ്വാസം നൽകും.
വനിതാ ഫൈനലിൽ വെറും 39 മിനിറ്റുകൊണ്ട് ഡെന്മാർക്കിന്റെ ലൈൻ ക്യേഴ്‌സ്‌ഫെൽഡിനെ 21-12, 21-14 എന്ന സ്‌കോറിന് കീഴ്‌പ്പെടുത്തിയാണ് പി.വി. സിന്ധു കിരീടം സ്വന്തമാക്കിയത്. ഈ വർഷം സിന്ധു നേടുന്ന രണ്ടാമത്തെ ബി.ഡബ്ല്യു.എഫ് കിരീടനേട്ടമാണിത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20261102074843.jpg)
-20261102073636.jpg)
