ഇംഗ്ലണ്ട് ക്യാപ്റ്റൻ ബെൻ സ്റ്റോക്‌സ്, ഇന്ത്യയ്‌ക്കെതിരായ നാലാം ടെസ്റ്റിന് മുമ്പ് തൻറെ ടീമിലെ പ്രധാനതാരമായ ജോ റൂട്ടിനെ പ്രശംസിച്ച് രംഗത്ത്. അദ്ദേഹത്തെ "Absolute G.O.A.T. (Greatest of All Time)" എന്നാണ് ബെൻ സ്റ്റോക്‌സ് വിശേഷിപ്പിച്ചത്.

ലോർഡ്സിൽ ഇന്ത്യയ്‌ക്കെതിരെ 22 റൺസ് ജയത്തിൽ നിർണായക സംഭാവന ചെയ്ത ജോ റൂട്ട്, 104, 40 എന്ന ഇരട്ട സ്‌കോറുകളോടെ ഐ.സി.സി ടെസ്റ്റ് ബാറ്റിംഗ് റാങ്കിംഗിൽ ഒന്നാം സ്ഥാനത്തെത്തിയിരുന്നു. 888 പോയിന്റുള്ള റൂട്ട്, ടീമേറ്റായ ഹാരി ബ്രൂക്കിനെ (862) പിന്തള്ളിയാണ് ഒന്നാമത് എത്തിയത്.

"ഒന്നും പറയാനില്ല... അവൻ ഒരു G.O.A.T ആണെന്ന് മാത്രമേ എനിക്ക് പറയാനുള്ളൂ." എന്നാണ് സ്റ്റോക്‌സ് മാധ്യമങ്ങളോട് വ്യക്തമാക്കിയത്.

നിലവിൽ 156 ടെസ്റ്റുകളിൽ 13,259 റൺസ്, ശരാശരി 50.80, 37 സെഞ്ചുറികൾ, 66 അർദ്ധസെഞ്ചുറികൾ എന്നിവയുള്ള റൂട്ട്, ഇന്ത്യൻ ഇതിഹാസം രാഹുൽ ദ്രാവിഡിന്റെ (13,288) എന്ന റെക്കോർഡ് 30 റൺസ് കൂടി നേടി മറികടക്കാൻ ഒരുങ്ങുകയാണ്.

അതേസമയം അദ്ദേഹം 120 റൺസ് കൂടി നേടുമ്പോൾ, ജാക്കസ് കാലിസ് (13,289), റിക്കി പോണ്ടിംഗ് (13,378) എന്നിവരെയും പിന്തള്ളി സച്ചിൻ ടെണ്ടുൽക്കർക്ക് പിന്നിലായി രണ്ടാമതാവും.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്