കൊക്കെയ്ൻ ഉപയോഗിച്ചതുമായി ബന്ധപ്പെട്ട് നടത്തിയ പരിശോധനയിൽ പരാജയപ്പെട്ടതിനെ തുടർന്ന് ഓസ്‌ട്രേലിയൻ ക്രിക്കറ്റ് താരം ക്രിസ് ലിന്നിന് ഒരു മാസത്തെ വിലക്ക്. ഇംഗ്ലണ്ടിലെ ക്രിസ് കൺട്രോളർ ആണ് വെള്ളിയാഴ്ച ഇക്കാര്യം സ്ഥിരീകരിച്ചത്. ബിഗ് ബാഷ് ലീഗ് ചരിത്രത്തിലെ ഏറ്റവും ഉയർന്ന റൺവേട്ടക്കാരനായ ക്രിസ് ലിൻ, ഇംഗ്ലണ്ടിൽ നടന്ന ടി20 ബ്ലാസ്റ്റ് ഫൈനൽസ് ദിനമായ ജൂലൈ 18ന് നടത്തിയ പതിവ് ഡീഡോപ്പിംഗ് പരിശോധനയിലാണ് കൊക്കെയ്ൻ ഉപയോഗിച്ചതായി കണ്ടെത്തിയത്.
സംഭവസമയത്ത് 36 കാരനായ താരം നോർത്താംപ്ടൺഷെയർ ടീമിനെയാണ് പ്രതിനിധീകരിച്ചിരുന്നത്. എന്നാൽ അച്ചടക്ക നടപടിയുടെ വിവരങ്ങൾ റെഗുലേറ്ററി ബോഡി വെള്ളിയാഴ്ചയാണ് പുറത്തുവിട്ടത്. നോർത്താംപ്ടൺഷെയർ സ്റ്റീൽബാക്‌സ് മുൻ താരം ക്രിസ് ലിന് മേൽ ക്രിക്കറ്റ് റെഗുലേറ്റർ ഒരു മാസത്തെ സസ്‌പെൻഷൻ ചുമത്തിയിട്ടുണ്ടെന്നും, സസ്‌പെൻഷൻ കാലാവധി ഇതിനോടകം പൂർത്തിയായിട്ടുണ്ടെന്നും റെഗുലേറ്റർ വ്യക്തമാക്കി.
കൊക്കെയ്‌ന്റെ ഉപാപചയ ഉൽപ്പന്നമായ ബെൻസോയില്‌ഗോണിന്റെ അളവ് ലിന്റെ സാമ്പിളിൽ കുറഞ്ഞ തോതിൽ കണ്ടെത്തിയിരുന്നു. തുടർന്ന് താരം ആന്റി ഡോപ്പിംഗ് നിയമലംഘനം നടത്തിയതായി സമ്മതിക്കുകയും ചെയ്തു.
താരത്തിന്റെ മൂത്ര സാമ്പിൾ പരിശോധനയ്ക്കായി ഫ്രാൻസിലെ ലബോറട്ടോയർ ആന്റിഡോപാജ് എന്ന വാഡ അംഗീകൃത ലബോറട്ടറിയിലേക്ക് അയച്ചിരുന്നു. അവിടെ നടത്തിയ പരിശോധനയിലാണ് കൊക്കെയ്‌ന്റെ അംശം കണ്ടെത്തിയത്. മത്സരവേളകളിൽ കർശനമായി നിരോധിച്ചിട്ടുള്ള ലഹരിവസ്തുക്കളുടെ പട്ടികയിലാണ് വാഡ കൊക്കെയ്‌നെ ഉൾപ്പെടുത്തിയിരിക്കുന്നത്.
താരം പുനരധിവാസ പരിപാടി വിജയകരമായി പൂർത്തിയാക്കിയതിനെ തുടർന്ന്, മൂന്ന് മാസത്തെ പ്രാഥമിക സസ്‌പെൻഷൻ കാലാവധി ഒരു മാസമായി കുറയ്ക്കുകയായിരുന്നു. മത്സരവുമായി ബന്ധപ്പെട്ട അല്ലാതെയുള്ള സമയത്താണ് ലഹരി ഉപയോഗിച്ചതെന്നും, അത് കളിയിലെ പ്രകടനത്തെ ബാധിക്കാനല്ലെന്നും റെഗുലേറ്റർ അംഗീകരിച്ചു.
തന്റെ അന്താരാഷ്ട്ര കരിയറിൽ ഓസ്‌ട്രേലിയക്കായി 18 ടി20 മത്സരങ്ങളിലും നാല് ഏകദിന മത്സരങ്ങളിലും ക്രിസ് ലിൻ കളിച്ചിട്ടുണ്ട്. അടുത്ത മാസം ആരംഭിക്കുന്ന ബിഗ് ബാഷ് ലീഗ് സീസണിനായി വലതുകൈയ്യൻ ബാറ്ററായ താരം മെൽബൺ റെനെഗേഡ്‌സുമായി കരാർ ഒപ്പിടുമെന്നാണ് ഓസ്‌ട്രേലിയൻ മാധ്യമങ്ങൾ റിപ്പോർട്ട് ചെയ്യുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
