ഏഷ്യൻ ചാമ്പ്യൻസ് ട്രോഫി ഹോക്കിയിൽ തുടർച്ചയായ മൂന്നാം കിരീടം സ്വന്തമാക്കി ഇന്ത്യ. ഫൈനലിൽ ജപ്പാനെ ഒന്നിനെതിരെ നാല് ഗോളുകൾക്ക് തകർത്താണ് നിലവിലെ ചാമ്പ്യന്മാരായ ഇന്ത്യ കിരീടം നിലനിർത്തിയത്. മൊഹാലിയിൽ നടന്ന കലാശപ്പോരാട്ടത്തിൽ ഒരു ഗോളിന് പിന്നിലായ ഇന്ത്യ ശക്തമായ തിരിച്ചുവരവിലൂടെയാണ് വിജയം സ്വന്തമാക്കിയത്.
നാലാം മിനിറ്റിൽ മത്സുമോട്ടോ നേടിയ ഗോളിലൂടെ ജപ്പാൻ ഇന്ത്യയെ ഞെട്ടിച്ചു. സമനില ഗോളിനായി ഇന്ത്യ നിരന്തരം ശ്രമിച്ചെങ്കിലും ആദ്യ രണ്ട് ക്വാർട്ടറുകളിലും ജപ്പാന്റെ പ്രതിരോധം ഭേദിക്കാനായില്ല. 1-0 ലീഡുമായി ജപ്പാൻ ഇടവേളയ്ക്ക് പിരിഞ്ഞു. എന്നാൽ മൂന്നാം ക്വാർട്ടറിന്റെ അവസാന ഘട്ടത്തിൽ ഇന്ത്യ മത്സരത്തിലേക്ക് ശക്തമായി തിരിച്ചെത്തി.
42-ാം മിനിറ്റിൽ പെനാൽറ്റി കോർണറിനൊടുവിൽ ആദിത്യ ലാൽഗെ നൽകിയ മികച്ച ഫ്‌ളിക്കിൽ നിന്ന് ഷീലാനന്ദ് ലാക്ര സമനില ഗോൾ നേടി. അവസാന ക്വാർട്ടറിൽ ഇന്ത്യൻ മുന്നേറ്റനിര ജപ്പാൻ പ്രതിരോധത്തെ സമ്മർദത്തിലാക്കി. 48-ാം മിനിറ്റിൽ ദിൽപ്രീത് സിംഗിന്റെ മികച്ച ഫിനിഷിലൂടെ ഇന്ത്യ ആദ്യമായി ലീഡ് നേടി. സ്‌കോർ 2-1.
പിന്നാലെ 53-ാം മിനിറ്റിൽ പെനാൽറ്റി കോർണർ ലക്ഷ്യത്തിലെത്തിച്ച് ജുഗ്രാജ് സിംഗ് ഇന്ത്യയുടെ ലീഡ് 3-1 ആക്കി ഉയർത്തി. 54-ാം മിനിറ്റിൽ വിവേക് സാഗർ പ്രസാദ് കൂടി ഗോൾ നേടിയതോടെ ഇന്ത്യയുടെ വിജയം പൂർണമായി.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
