കോട്ടയം മുണ്ടക്കയത്തെ വാഹനാപകടം മനഃപൂർവം സൃഷ്ടിച്ചതെന്ന് പൊലിസ് കണ്ടെത്തൽ.

NOVEMBER 1, 2026, 7:24 PM

കോട്ടയം: കോട്ടയം മുണ്ടക്കയത്തെ വാഹനാപകടം മനഃപൂർവം സൃഷ്ടിച്ചതെന്ന് പൊലിസ് കണ്ടെത്തൽ. അമിതവേഗത്തിൽ കാറോടിച്ച കൂട്ടിക്കൽ സ്വദേശി ഷാലോം ജീവനൊടുക്കാൻ ശ്രമം നടത്തിയതാണെന്ന് പൊലിസ് വ്യക്തമാക്കി.

കാർ അമിത വേഗത്തിൽ പോകുന്ന സിസിടിവി ദൃശ്യങ്ങൾ പുറത്തുവന്നിട്ടുണ്ട്. അപകടത്തിൽ പരിക്കേറ്റ ഷാലോം ആശുപത്രിയിൽ ചികിത്സയിലാണ്. ഷാലോമിൻറെ കാർ ഓട്ടോറിക്ഷയിൽ ഇടിക്കുകയായിരുന്നു. പിന്നാലെ വന്ന നാല് കാറുകളും ഒരു സ്കൂട്ടറും ഇടിച്ചു.

ഷാലോം ഓടിച്ച വാഹനം മറ്റൊരു വാഹനത്തിൽ ഇടിക്കുകയും പിന്നാലെ വന്ന അഞ്ച് വാഹനങ്ങൾ അപകടത്തിൽപ്പെടുകയും ചെയ്തു. ഇയാൾക്കെതിരെ പൊലിസ് കേസെടുത്തിട്ടുണ്ട്. വധശ്രമം ഉൾപ്പെടെയുള്ള വകുപ്പുകൾ ചുമത്തിയതായാണ് വിവരം.

അപകടത്തിൽ കാൽനടയാത്രക്കാരൻ ഉൾപ്പെടെ ഒമ്പത് പേർക്ക് പരിക്കേറ്റു. മനഃപൂർവമുണ്ടാക്കിയ അപകടമാണെന്ന് ഷാലോം മൊഴി നൽകിയതായി പൊലിസ് പറഞ്ഞു. വാഹനാപകടമുണ്ടാക്കി ജീവനൊടുക്കാനാണ് ഇയാൾ ശ്രമിച്ചതെന്ന് പൊലിസ് പറയുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്